Anacyclismus
E Vicipaedia
Anacyclismus seu regyratio est rerum ab usu submotarum reformatio et reconcinnatio eo consilio, ut ex eiectamentis aliquid novae rationis ad usum recolligatur. Regyratione efficitur ne res quibus utilitatis cuiusdam vis adhuc inest pereant. Haec ad naturam protegendam valent idque agunt, ut energiae nec non pecuniae parcatur ac dioxidi carbonis eiectamenta in atmosphaera decrescant.
Res regyrabiles ex multiplicibus fontibus oriuntur. Inter regyrabilia sunt aluminium, asphaltus, charta, ferrum, plastica, textura, vitrum. Etiam eiectamenta dissolubilia ciborum et hortorum sunt quae regyrari microorganismorum ope possint.
