Fontem paginae Alexander Tsankov inspicere

[[Fasciculus:Aleksandar Tsankov.png|thumb|Alexander Zolov Tsankov]]
'''Alexander Zolov Tsankov''' ([[Bulgarice]] ''Александър Цолов Цанков'', natus Oriachovo in oppido [[Valvae (provincia)|Valvis]] provinciae die [[29 Iunii]] [[1879]]; mortuus [[Belgrano (Bonaëropolis)|Belgrani]] apud [[Bonaëropolis|Bonaëropolin]] die [[27 Iunii]] [[1959]]) fuit [[politicus|rerum politicarum peritus]] [[Bulgaria|Bulgaricus]].

== Iuventus et munus ==
[[Sexantaprista]]e scholam frequentabat et deinde annis [[1901]] - [[1904]] apud [[Universitas Serdicensis|Universitatem Serdicensem]] iurisprudentiae studebat. Deinde ad usque annum [[1907]] [[Universitas Ludovico-Maximilianea Monacensis|Monaci]], [[Universitas Wratislaviensis|Vratislaviae]], [[Alma Universitas Humboldtiana Berolinensis|Berolini]] oeconomiae studebat. Tum in Aeraria Nationali Bulgariae operam dedit et anno [[1910]] professor oeconomiae politicae Universitatis Serdicensis nominatus est.

== Cursus honorum ==
Anno [[1923]] primo legatus ad parlamentum Bulgaricum electus hunc honorem ad annum [[1934]] tulit. Die [[9 Iunii]] [[Alexander Stambolijski]] praeses ministrorum seditione militum depositus est, Tsankov eius [[Primi ministri Bulgariae|successor]] nominatus est. Tsankov primus minister acerrime contra seditiones Communistarum agebat, qui mense Septembri 1923 contra Regnum novis rebus studebant et anno [[1925]] [[Boris III (rex Bulgariae)|Boridem III]] regem necare frustra conati sunt. Eodem anno copiae [[Graecia|Graecae]] Bulgariam invaserunt. Quod autem aes alienum maximum Bulgariae non minuere potuit, die [[4 Ianuarii]] [[1926]] [[Andreas Ljapcev]] eius successor nominatus est. Annis 1926 - 1930 praeses parlamenti fuit. A mense Maio 1930 ad usque Iunium 1931 administer institutionis nationalis fuit. Anno [[1932]] Factionem Nationalem Socialisticam condidit, quae [[NSDAP|Nazistis]] et [[Germania]]e favebat. Tamen sequentibus annis in rebus politicis Bulgariae non multum potuit. Die [[15 Septembris]] [[1944]], cum Communistae et [[Cimon Georgiev]] rerum potiti essent, Tsankov [[Vindobona]]e consilium ministrorum in exilio condidit. Quod consilium autem die [[10 Maii]] [[1945]], postquam Germania victa est, dissolutum est. Ipse Tsankov in exilium in [[Argentina]]m fugit et in oppido Belgrano mortuus est.

== Nexus externi ==
{{commonscat|Aleksandar Tsankov|Alexandrum Tsankov}}
* [http://www.saciol.com/bulgaria/politics/aleksandar_tsankov Alexander Tsankov apud saciol.com]{{Nexus deficitur|date=October 2022 |bot=InternetArchiveBot |fix-attempted=yes }}

{{Primi ministri Bulgariae}}

{{Lifetime|1879|1959|Tsankov, Alexander}}

[[Categoria:Alumni Universitatis Serdicensis]]
[[Categoria:Alumni Universitatis Monacensis]]
[[Categoria:Alumni Universitatis Vratislaviae]]
[[Categoria:Alumni universitatum et scholarum Berolinensium]]
[[Categoria:Professores Universitatis Serdicensis]]
[[Categoria:Oeconomi Bulgariae]]
[[Categoria:Primi ministri Bulgariae]]