Philippus Pierre

Res apud Vicidata repertae:

Nativitas: 18 Septembris 1954; Castries
Patria: Sancta Lucia

Philippus Pierre, vulgo plene Philip Joseph Pierre (die 18 Septembris 1954 natus) est politicus Sanctae Luciae.

Filius praeceptricis et vigilis, alumnus est Collegii Sanctae Mariae Castriensis, ubi postea docuit, et universitatis Indiarum Occidentalium Barbatae in insula: ibi administrationi commerciali studit. Rationarius operam dedit, sed ab anno 1985 usque in 1994 Corporationem nationalem inquisitionum evolutionisque direxit.

Sodalis est Factionis laboris Sanctae Luciae ab anno 1985, theaurarius eiusdem factionis ab anno insequenti, praeses factionis ab 1992. Hoc anno candidatus est parlamenti S. Luciae, malo successu, iterum anno 1997: a quo anno legatus, factione sua victrice, statim minister a peregrinatione factus est, primo ministro Kenny Anthony: quod officium usque in 2001 retinuit. Legatus parlamento S. Luciae per sex quinquennia mansit. Factione laboris iterum anno 2011 victrice primus minister vicarius ministerque vectigalium factus est; anno 2016, factione devicta, ipse dux contrariorum factus est. Factione denuo victrice, primus minister die 28 Iulii 2021 inauguratus est.

Nexus externi[recensere | fontem recensere]

Lexica biographica: • Black Past

Primi ministri Sanctae Luciae


Georgius Charles • Ioannes Compton • Allan Louisy • Winston Cenac • Michael Pilgrim • Ioannes Compton • Vaughan Lewis • Kenny Anthony • Ioannes Compton • Stephenson King • Kenny Anthony • Allen Chastanet • Philippus Pierre Opus geopoliticum • Gubernatores civitatum Americanarum hodiernarum Capsae cognatae: Ministri rerum externarum Sanctae Luciae