Ambulatrum
Ambulatrum[1] est vehiculum auxiliare, quod hominum cruribus infirmorum, sicut senum, ambulationem faciliorem et tutiorem reddat. Ambulatrum anno 1978 inventum est ab Aina Wifalk, curatrice sociali Suecica, quae ipsa poliomyelitide impedita erat.
Ambulatrum est compages rotarum trium aut saepissime quattuor, manubriorum ambabus manibus aptorum ac sedilis intus positi, quo ambulatori aut ambulatrici quiescere liceat. Vehiculum non numquam praeditum est sarcinula, cui sedile operculi vice fungitur.
Ambulatrum plicatile inventum est, ut minus spatii capiat.
Notae[recensere | fontem recensere]
- ↑ Haec appellatio a Vicipaediano in sermonem Latinum conversa est.
Nexus interni
Nexus externi[recensere | fontem recensere]
|
Vicimedia Communia plura habent quae ad ambulatra rotata spectant (Rollator, Walkers). |