Napoleo I (imperator Francogallorum)

Napoleo Bonaparte a Jacques-Louis David pictus

Napoleo seu Neapoleo Bonaparte (natus XV. Augusti MDCCLXIX Urcinii in Corsica, mortuus V Maii MDCCCXXI in domicilio quod Longwood dicitur, insula Sanctae Helenae in Oceano Atlantico) erat dux exercitus inter Res Novas Gallicas, a MDCCIC anno usque ad MDCCCIV annum, "Primus Consul" rei publicae Gallicae, ab MDCCCIV anno imperator Gallorum, ab MDCCCVI rex Italiae protectorque Foederis Rheni.

Constat Napoleonem unum ex optimis ducibus militaribus omnium temporum fuisse. Primo praeceptis Suncii se dedit et eis paruit, cuius liber de Arte belli erat MDCCLXXXII anno in Gallicum traditus. Napoleonis gesta, hominis politici, post Res Novas Gallicas sunt etiam amplissima, cuius liber, Codex Civilis appelatur, cuius iuribus adhuc in Gallia servit et a promulgatione MDCCCIV anni auctoritatem vehementem in evolutione civili habent.

"Corsicus natu" - Pueritia et Adulescentia

Napoleo natus Napoleone di Buonaparte appellatus Urcinii in Corsica insula est, quae post longum bellum libertatis in Genuam anno MDCCLXVIII Gallia expugnata est. Fuit filius secundus Caroli Bonaparte et Laetitiae Ramolini, qui ambo XIII liberos habuerunt, e quibus solum octo primos annos pueritiae supervixerunt. Eius familia pars nobilitatis Corsicae et e tempestivo saeclo XV in insula fuit. Radices familiae sunt in Tuscania.

Picturae

• Neapoleo Imperator