Annuntiatio Domini

Angelus Domini nuntiavit Mariae, et concepit de Spiritu Sancto

Imago Annuntiationis, pictore "El Greco"

Annuntiatio Domini Iesu Christi ad centrum stat Religionis Christianae, cum momentum indicat incarnationis Verbi Dei. Celebratur die 25 Martii, novem ante menses festum Nativitatis Domini. In vico Nazareth iuvencula Hebraea, nomine Maria, desponsata viri Iosephi, visitata est ab archangelo Gabriel, qui eae portat nuntios magnos - factura est mater ipsius Dei, qui desiderat puerum esse in Mariae utero, hominem, messiam Israel. Dicta Fiat mihi secundum tuum, incarnatio facta est, et Christianitas orta est.

Ita narrat Evangelium secundum Lucam annuntiationem:

In mense autem sexto missus est angelus Gabriel a Deo in civitatem Galilaeae, cui nomen Nazareth, ad virginem desponsatam viro, cui nomen erat Ioseph de domo David, et nomen virginis Maria. Et ingressus ad eam dixit: “ Ave, gratia plena, Dominus tecum ”. Ipsa autem turbata est in sermone eius et cogitabat qualis esset ista salutatio. Et ait angelus ei: “ Ne timeas, Maria; invenisti enim gratiam apud Deum. Et ecce concipies in utero et paries filium et vocabis nomen eius Iesum. Hic erit magnus et Filius Altissimi vocabitur, et dabit illi Dominus Deus sedem David patris eius, et regnabit super domum Iacob in aeternum, et regni eius non erit finis ”. Dixit autem Maria ad angelum: “ Quomodo fiet istud, quoniam virum non cognosco? ”. Et respondens angelus dixit ei: “ Spiritus Sanctus superveniet in te, et virtus Altissimi obumbrabit tibi: ideoque et quod nascetur sanctum, vocabitur Filius Dei. Et ecce Elisabeth cognata tua et ipsa concepit filium in senecta sua, et hic mensis est sextus illi, quae vocatur sterilis, quia non erit impossibile apud Deum omne verbum ”. Dixit autem Maria: “ Ecce ancilla Domini; fiat mihi secundum verbum tuum ”. Et discessit ab illa angelus. Lucas 1:26-38