Ecclesia Cathedralis Sancti Stephani Vindobonensis

Haec pagina de Ecclesia Cathedrali Sancti Stephani Vindobonensi explicat. Si aliam ecclesiam cathedralem, quae Sancto Stephano dedicata est, quaeris, vide Ecclesia Cathedralis Sancti Stephani.

Ecclesia Cathedralis Sancti Stephani

Ecclesia Cathedralis Sancti Stephani media in urbe Vindobonensi sita ab anno 1365 sedes capituli cathedralis, ab anno 1469/1479 cathedralis et ab anno 1723 ecclesia metropolitana archiepiscopi Vindobonensis est.

Cathedralis Romano-Catholica signum Vindobonae et saepe etiam sacrarium gentilicium Austriae habetur. Sanctus titularis est Sanctus Stephanus protomartyr.

Aedificum in longitudinem 107 m et in latitudinem 34 m patet. Cathedralis inter aedificia gotica Austriaca maximi momenti numeratur. Partes aedificii Romanici ex annis 1230–1263 adhuc exstant. Ecclesiae sunt quattuor turres: Altissima est turris meridiana (136.4 m), turris autem septentrionalis imperfecta tantum 68 m habet. A sinistra et a dextra aditus prinicipalis duo turres paganorum (Heidentürme), quae dicuntur, in altitudinem fere 65 m ascendunt. in olim Imperio Austro-Hungarico nullam ecclesiam turri meridiana cathedralis Sancti Stephani altiorem aedificari licuit.

Pinacotheca

• 
  Cathedralis visa a latere
• 
  Despectus a campanario in tectum cathedralis
• 
  Horologium solarium Georgii Purbachii a latere meridiano
• 
  "Madonna famulorum" ("Dienstbotenmadonna")
• 
  Navis principalis
• 
  Pars navis lateralis
• 
  Altare maius Barocum
• 
  Altare Novae Civitatis Viennensis
• 
  Imago BMV de Máriapócs
• 
  Fenstergucker (vir per fenestram spectans) sub suggestu
• 
  Fenestrae mediaevales Leopoldum I demonstrantes
• 
  "Pummerin" (campana maxima)

Bibliographia

• Reinhard H. Gruber, Robert Bouchal: Der Stephansdom. Monument des Glaubens – Stein gewordene Geschichte, Vindobonae 2005

Nexus externi

Vicimedia Communia plura habent quae ad Ecclesiam cathedralem Sancti Stephani spectant.

• "Ecclesia Cathedralis Sancti Stephani Vindobonensis" apud AEIOU (Theodisce)