Fontem paginae Sirenes inspicere

{{L1}}
[[Fasciculus:Funerary siren Louvre Myr148.jpg|thumb|Siren in [[sepulcrum|sepulcro]] saec. I a.C.n. sculpta; e [[Museum Lupariense|museo Lupariensi]].]]
'''Sirenes''' ({{pns|um|f|sirenes}}, [[Graece]]: sing. {{Polytonic|Σειρήν}}, pl. {{Polytonic|Σειρῆνες}}) vel '''Sirenae''' ({{pns|arum|f|sirena}}) in [[mythologia Graeca]] sunt [[monstrum marinum|maris monstra]] superiore parte virginis alatae formam habentia, inferiorem volucris. [[Navigatio|Navigantibus]] cantu Sirenum deceptis [[naufragium]] paratur.

== De numero et nominibus ==
Fuerunt apud [[auctor]]es varios vel duae vel tres sive adeo quinque Sirenes. [[Homerus]] duas memorat sine nominibus.<ref>''[[Odyssea]]'' 12.52.</ref> [[Scriptor]]es [[Imperium Romanum Orientale|Byzantini]] nomina addunt e fontibus deperditis: a [[Ioannes Tzetzes|Tzetze]] enim enumerantur [[Pisinoë (Siren)|Pisinoë]], [[Aglaope (Siren)|Aglaope]] et [[Thelxiepea (Siren)|Thelxiepea]];<ref>Tzetzes, ''[[Commentaria in Lycophronis Alexandram]]'' 7l2.</ref> ab [[Eustathius Thessalonicensis|Eustathio]] seu duae, [[Aglaopheme (Siren)|Aglaopheme]] et Thelxiepea, seu "apud recentiores, inter quos [[Lycophron Alexandrinus|Lycophron]]" tres, [[Parthenope (Siren)|Parthenope]], [[Ligea (Siren)|Ligea]] et [[Leucosia (Siren)|Leucosia]];<ref>Eustathius, ''[[Commentaria in Homeri Odysseam]]'' vol. 2 p. 5 Stallbaum; cf. [[Strabo]], ''[[Geographia (Strabo)|Geographia]]'' 5.4.7, 6.1.1; [[Maurus Servius Honoratus|Servius]], ''Commentaria in Vergilii Georgicon'' 4.562.</ref> a [[Scholia in Apollonium Rhodium|scholiasta in Apollonium Rhodium]] [[Thelxinoë (Siren)|Thelxinoë]] vel Thelxiope, [[Molpe (Siren)|Molpe]] et [[Aglaophonus (Siren)|Aglaophonus]].<ref>Scholia in Apollonium Rhodium p. 298 Wendel.</ref>

== Fabulae ==
Sirenes insulam incolabant [[Anthemoëssa]]m a [[Iuppiter|Iove]] datam, secundum [[Hesiodus|Hesiodum]]; poëtae autem Romani in [[Sirenum scopuli]]s collocaverunt.<ref>[[Hesiodus]], ''[[Eoeae]]'' fr. 27 Merkelbach et West, apud [[Scholia in Apollonium Rhodium]] p. 298 Wendel; [[Vergilius]], ''[[Aeneis]]'' 5.864; [[Ovidius]], ''[[Metamorphoses (Ovidius)|Metamorphoses]]'' 14.88.</ref> Filiae fuisse dicuntur [[Achelous|Acheloi]] fluminis et [[Calliope]]s [[Musa]]e vel [[Terpsichore]]s vel [[Melpomene]]s.
=== In ''Odyssea'' ===
Cum Ulixes carmine duodecimo e [[Inferi|mortuorum regno]] in insulam [[Circe|Circae]] rediit, dea ei futuram navigationem descripsit atque benigne patefecit quomodo pericula caveret. Primum periculum erant  sirenes quae florido in prato sedentes cantu suo nautas praetereuntes eliciebant nec quisquam eorum postea domum redibat sed albentium ossium acervi in litore insulae adspiciebantur. Tum eum monuit ut comitum aures cera obstrueret ne audirent blandam et letalem vocem dum ipse, si audire vellet, malo validis vinculis adligaretur. Ita periculum sirenarum effugere potuit Ulixes. Ad sirenas designandas Homerus [[Dualis (grammatica)|duali]] numero bis<ref>XII.52 et 167.</ref> utebatur, ita duas esse indicans.

== Sirenes pisciformes ==
[[Fasciculus:Odysseus Sirens BM E440 n2.jpg|thumb|upright=1.25|Ulixes a Sirenibus tribus temptatus. Stamnus, opus eponymum "[[pictor Sirenum|pictoris Sirenum]]", [[Vulci]], c. 475 a.C.n. ([[Museum Britannicum]] E 440).]]
[[Medium aevum|Medio Aevo]] et postea, Sirenes non avis speciem habent sed [[piscis (animal)|piscis]],id est [[nympha marina]] quae [[imago]] usque ad hunc diem verbo "sirena" linguis Romanicis invocatur.

== Notae ==
<div class="references-small"><references /></div>
== Fontes ==
*[[Homerus]], carmine duodecimo ''[[Odyssea|Odysseae]].''
*[[Euripides]], ''[[Helena (Euripides)|Helena]]'' 168-173

== Plura legere si cupis ==
* Maurizio Bettini, Luigi Spina. [[2007]] . ''Il mito delle sirene : immagini e racconti dalla Grecia a oggi'', Augusta Taurinorum, Einaudi. [https://bmcr.brynmawr.edu/2007/2007.11.20 Recensio critica]
*Harrison, Jane Ellen. [[1922]]. ''Prolegomena to the Study of Greek Religion.'' Ed. 3a. Londinii: C.J. Clay and Sons.
* Lemprière, John. [[1827]]. ''A Classical Dictionary.'' Ed. 6a. Novi Eboraci: Evert Duyckinck, Collins & Co., Collins & Hannay, G. & C. Carvill, et O. A. Roorbach.
*  Lukinovich Alessandra [[1998]], "[https://www.persee.fr/doc/gaia_1287-3349_1998_num_3_1_1337 Le cercle des douze étapes du voyage d'Ulysse aux confins du monde]", ''GAIA. Revue interdisciplinaire sur la Grèce ancienne'', 1998ː 9-26
*Hélène Vial (cur.). [[2014]]. ''[https://books.openedition.org/pur/53075 Les sirènes ou le savoir périlleux. D'Homère au XXIe siècle]'', PUF.

{{NexInt}}
*''[[Siren (genus)]]''
*[[Echo (mythologia)|Echo]]
*[[Lorelei]]
*[[1009 Sirene]]

== Nexus externi ==
{{Communia|Siren}}

[[Categoria:Animalia fabulosa Graeca]]
[[Categoria:Monstra]]
[[Categoria:Hybridae fabulosae]]
[[Categoria:Musica in mythologia Graeca]]
[[Categoria:Mythologia Graeca]]
[[Categoria:Odyssea]]
[[Categoria:Sirenes|!]]

{{Myrias|Homines}}