Fontem paginae Phocis (regionalis unitas) inspicere

{{Videhom|Phocis}}
{{Capsa subdivisionis Vicidata}}
'''Phocis''' fuit usque ad annum [[2010]] una e quinque praefecturis sive [[Index nomorum Graeciae|nomis]] [[Index regionum Graeciae hodiernae|regionis]] (''περιφέρεια'') [[Graecia Media (peripheria Graeciae)|Graeciae Mediae]], cuius [[caput (urbs)|caput]] erat [[urbs]] [[Amphissa]]. Reformatione administrativa anni [[2010]] (vide: [[Libellus Callicratis]]) praefecturae [[ius|iura]] ad regionem Mediam Graeciam et ad duos [[demus|demos]] [[Doris (demus)|Dorida]] et [[Delphi (demus)|Delphos]], qui coagmentatione pristinorum demorum exstiterunt, delata sunt. [[Terra (regio)|Territorium]] praefecturae nomine "Regionali Phocidis Unitate" permanet, quae 4 legatos in consilium regionale mittit, praeterea autem vi [[civilitas|politica]] caret.

== Geographia ==
Phocis hodierna a monte [[Parnassus|Parnasso]] in oriente ad montes [[Bardusia (mons)|Bardusia]] in occidente patet. Nomen trahit a regione antiqua [[Phocis|Phocide]], unitas regionalis autem etiam partes antiquae [[Locris|Locridis]] ac [[Doris (Graecia)|Doridis]] includit.

Phocidi est area 2120 km², quorum 560 km² sunt silvis tecta, 36 km² plana et reliqua montuosa. Mons Parnassus (2 459 m) terram in duas partes dividit. Unitates regionales finitimae sunt ab occidente [[Aetoloacarnania]], a septentrionalibus [[Phthiotis (nomus Graeciae)|Phthiotis]] et ab oriente [[Boeotia (nomus Graeciae)|Boeotia]]. Fines meridiani ac orientales magna ex parte silvis privati, saxosi et montuosi sunt; vallis ab [[Itea (Phocis)|Itea]] ad [[Amphissa]]m currit. Silvae ac loca viridia finibus occidentalibus, mediis ac septentrionalibus sunt.

[[Mornus]] fluvius, ut regioni satis aquae praebeatur, mole ac aggere praeclusus lacum artificialem format.

== Administratio ==
Regionalis Phocidis unitas divisa est in duos [[demus|demos]], qui sunt (vide et tabulam):
* [[Delphi (demus)]]
* [[Doris (demus)]]

=== Pristinus nomus Phocidis ===
[[Fasciculus:Fokida municipalities numbered.svg|thumb|200px|Forma demorum pristini nomi Phocidis]]
Phocis creata est [[praefectura|nomus]] Graeciae anno [[1947]]. Anno [[2011]] ex pristino nomo (Νομός Φωκίδας) regionalis Phocidis unitas constitua est. Index sequens demonstrat demos novos ex antiquis coniunctos.<ref >[https://web.archive.org/web/20110515171601/http://www.kedke.gr/uploads2010/FEKB129211082010_kallikratis.pdf "Lex Callicratis"] (Neograece)</ref>

{| class="wikitable"
! Novus demus !! Pristinus demus !! Sedes  
|-
| rowspan=8|[[Delphi (demus)]] || [[Delphi]] || rowspan=8|Amphissa
|-
| [[Amphissa]] 
|-
| [[Desphina]] 
|-
| [[Galaxidium]] 
|-
| [[Grabia]] 
|-
| [[Itea (Phocis)|Itea]] 
|-
| [[Callies]] 
|-
| [[Parnassus (demus)|Parnassus]] 
|-
| rowspan=4|[[Doris (demus)]]|| [[Eupalium]] || rowspan=4|Lidoricium
|-
| [[Lidoricium]] 
|-
| [[Tolophon]] 
|-
| [[Bardusia (demus)|Bardusia]] 
|}

=== Pristinae provinciae ===
* Provincia Doridis - Lidoricium
* Provincia Parnassis - Amphissa
''Nota:'' Provinciis Graecis non iam est status legalis.

== Historia antiqua ==
Vide: [[Phocis]] (regio antiqua)

== Notae ==
<references/>

== Nexus externi ==
* [[:el:Διοικητική διαίρεση νομού Φωκίδας|Index pristinorum demorum, vicorum, compitorum huius nomi]] {{Ling|Neograece}}

{{Nomi Graeciae}}

{{geo-stipula}}

[[Categoria:Praefecturae Graeciae]]
[[Categoria:Graecia Media]]
[[Categoria:Phocis|!]]