Pavo (picturae murales Romanae)

E Vicipaedia
Jump to navigation Jump to search

Vide etiam paginam discretivam: Pavo

Pavo: pictura muralis saeculi I p.C.n. Romana (Villa Getty)

Pavo, scilicet avis speciei "Pavo cristatus", est res picturarum aliquarum muralium saeculi I p.C.n. Romanarum. Hae picturae in villarum ruinis, ab ignibus Vesuvii montis anno 79 oblitarum, repertae sunt. Temporibus Romanis pavones rarius et a divitibus aliti sunt sive ut carnes vel ova praebuerint seu praecipue ut fundum ruralem ornaverint.

Una tabula, loco incerto reperta, hodie apud villam Getty iuxta Angelopolim ostenditur. Ab eruditis artium Romanarum stilo quarto tribuitur eorum qui e picturis praesertim Pompeiianis recognoscuntur; igitur annis fere 70-80 p.C.n. confecta est. Pavonem monstrat qui ad fenestram in pariete horti stat.

Altera, in ruinis Villae Poppaeae iuxta Oplontim reperta, ibi etiam hodie videnda est: pavonem monstrat in cratere stans. Tertia e ruinis urbis Bilbilis Hispaniae Tarraconensis hodie in Museo Calatayud ostentatur.

Bibliographia[recensere | fontem recensere]

Pavo: pictura muralis saeculi I p.C.n. Romana in ruinis Villae Poppaeae iuxta Oplontim reperta
Pavo saeculo 1 p.C.n. pictus in pariete Bilbilis, urbis Martialis nativae (Museum Calatayud)
Pavo: pictura inter ruinas Pompeiorum reperta (Antiquarium Boscoregalense)
Exergon picturae muralis: pavo cum fructibus (Villa Getty 83.AG.222.4.2)

Nexus externi[recensere | fontem recensere]


Bullet blue.png De hac re nexus intervici usque adhuc absunt. Adde, si reppereris.