Sakuramachi (imperator)
Sakuramachi (Iaponice: 桜町天皇 Sakuramachi-Tennō) (8 Februarii 1720–28 Maii 1750) fuit Iaponiae imperator centesimus quintus decimus, qui ab anno 1735 usque ad annum 1747 regnavit. Nomen formale ei Teruhito (昭仁) erat; ante imperium susceptum titulo Waka-no-Miya (若宮) ornabatur; post mortem nomine postumo Sakuramachi-in (桜町院) appellatus est. Filius primogenitus fuit imperatoris Nacamicado et Konoe Hisako (近衛尚子) de gente Fuzivarana. Aetate Edo, cum familia Tokugawa potestatem in Iaponia teneret, imperatores muneribus potius religiosis quam politicis fungebantur; attamen Sakuramachi, auxilio xoguni Tokugawa Yoshimune usus, multos ritus imperiales antiquos, inter quos festa messium per ducentos octoginta annos omissa, restituit. Anno 1747 filio suo, qui imperator Momozono factus est, imperium tradidit et statum Daijō Tennō (imperatoris emeriti) adeptus est. Post tres fere annos, anno aetatis tricesimo primo, morbo kakke (beriberi) periit. Sepultus est in mausoleo Orbis Lunaris apud Templum Fontis Scaturientis (Sennyū-ji) Kyoti in urbe.
Genealogia
[recensere | fontem recensere]
Sakuramachi habuit uxorem unam et pellicem unam:
- Uxor: Nizio Ieko (二条舎子 Nijō Ieko)
- Prima filia: Principissa Noriko (盛子内親王 Noriko-Naishinnō)
- Secunda filia: Principissa Tosiko (智子内親王 Toshiko-Naishinnō, posterius imperatrix Go-Sakuramachi)
- Paelex: Anegakozi Sadako (姉小路定子 Anegakōji Sadako)
- Primus filius: Princeps Tohito (遐仁親王 Tōhito-Shinnō, posterius imperator Momozono)
| Antecessor: Imperator Nacamicado |
Imperator Iaponiae 1735–1747 |
Successor: Imperator Momozono |