Fontem paginae Hilaria inspicere

{{videdis|Hilaria (discretiva)}}
'''Hilaria''' erant [[feriae Romanae|festum Romanum]], [[Cybele|Matri deorum]] dedicatum, quod die [[25 Martii]] celebrabatur.  De [[Graece|Graeco]] ἱλαρός, ''laetus'', nomen derivatum est. [[Valerius Maximus]] dicit et ludos Matris deorum [[aedilis|aediles]] instruebant<ref>''Factorum et Dictorum Memorabilium'' [https://penelope.uchicago.edu/Thayer/L/Roman/Texts/Valerius_Maximus/2*.html#4.3 II 4, 3]. </ref>.

Pars ordinis rituum Matris et [[Attis]] longi, qui  [[15 Martii]] incipiebat et [[28 Martii]] finiebat, Hilaria fuerunt. Ex [[Fasti|Fastis]] ''Philocali'' dictis ([[354]]) accepimus nomina dierum<ref>Pars sexta est libri cui titulus  ''Chronographa anni 354''. [http://www.tertullian.org/fathers/chronography_of_354_06_calendar.htm Textus Latinus]</ref>  :
*Idibus Martiis : '''Canna intrat'''. Sodalitas ''cannophorum'' magna pompa insignibus suis ornata ad templum iter facit. [[Galli (sacerdotes)|Archigallus]] taurum sex annos natum immolat. Significatio cannarum<ref>Hoc verbum graecum, et ipsum e lingua Hebraica sumptum, genus harundinis designat.</ref> incerta est : ad vitam Attidis prope flumen Sangarium referri solet, cuius filiam amasse narratur. Nonnulli eruditi putant inibi agi de antiquo ritu accersendae pluviae causa perfecto (Magna Mater est dea fertilitatis). Certe sequuntur  dies plures abstinentiae et purificationis.
*XI Kalendas Apriles : '''Arbor intrat'''. Pinus succidebatur et aries super radicibus immolabatur<ref>Firmicus Maternus XXVII, 1 et 4.</ref>. Dein arbor laneis infulis involuta a sodalitate ''dendrophoron'' ad templum portabatur : cadaver dei  esse putabatur cuius mortem fideles, pectus pineis nucibus plangentes, lugebant et pinum sertis [[Viola odorata|violarum]] ornabant, quia ille flos e sanguine dei ortus esse dicebatur.
*IX Kalendas Apriles : '''Sanguem'''. Dies funeris dei. Pinus sub templo sepelitur (quod verbo Graeco<ref>In cultu Attidis [[liturgia]] semper Graece peragitur.</ref> ''Catabasis'' vocatur). Tum fideles vehementer maerent atque sanguine suo aram aspergentes deum adiuvant : praeeunte enim [[Galli (sacerdotes)|archigallo]] membra flagris vel cultris lacerant<ref>[[Valerius Flaccus]] [[Argonautica (Valerius Flaccus)|Argonautica]] III,20. [[Propertius]] II,22,15-16. [[Seneca]] ''De vita beata'' I,26,8. [[Tertullianus]], ''Apol''. XXV.</ref>. Nonnulli sonitu cymbalorum et tympanorum necnon cantibus et cetera musica hebetati usque ad sacrificium virilitatis suae perducuntur (ita [[Galli (sacerdotes)|Galli]] fiunt)<ref>[[Lactantius]] ''Divinae Institutiones'', I,21,16.</ref>. Nocte sequenti pervigilium (graece ''Pannychis'') hymnis canendis agitur, dum speratum nuntium reditus dei exspectant. Hoc eodem die vota et sacra ad salutem imperatoris ab archigallo suscipiebantur : itaque anno [[180]] Christiani illum sacerdotem multum irriserunt, quod die [[24 Martii]]  solitas precationes praeierat, ignarus scilicet [[Marcus Aurelius|Marcum Aurelium]] Augustum iam die 16 huius mensis apud [[Sirmium]] in [[Pannonia]] obiisse<ref>[[Tertullianus]], ''Apologeticum'', 25.</ref>.
*VIII Kalendas Apriles : '''Hilaria'''. Nuntio reditus dei adlato, fideles laetantes sacrificiis gratias agunt ; nam hic dies non tantum resurrectionis sed etiam sacrarum nuptiarum (graece ''Hierogamiae'') celebratur. Magna pompa triumpho simili per Urbem itur : ipsi imperatores et ceteri proceres e senatorio ordine res pulcherrimas e propriis  thesauris commodant ad pompae magnificentiam augendam. Ita tristitia maestissima pristinorum dierum cum gaudio quam maximo mutatur.
*VII Kalendas Apriles ; '''Requ(i)etio'''. Illo die post orgia et vigilias fideles vires reficiebant et requiescebant.
*VI Kalendas Apriles : '''Lavatio'''. Illo die signum deae et cetera sacra in Almone prope Romam lavabantur<ref>[[Ammianus Marcellinus]] XXIII,3. [[Arnobius]], ''Adversus nationes'' VII,32.</ref>. Pompa  cum musica, cantibus, tripudiis et ludicris lasciviens  praesentibus ''quidecimviris sacris faciundis'' deam carpento vectam sequebatur.

==Notae==
<references />

==Nexus externi==

* [[:s:en:Page:Cyclopaedia,_Chambers_-_Volume_1.djvu/1002|De Hilariis]] in  ''{{Creanda|en|Cyclopædia, or an Universal Dictionary of Arts and Sciences|Cyclopaedia}}'' {{ling|Anglice}}

{{Feriae Romanae}}

[[Categoria:Feriae Romanae]]