Fons Trivii

E Vicipaedia
(Redirectum de Fontana Trebii)
Jump to navigation Jump to search
Fons Trivii noctu visus.

Fons Trivii[1][2] (Italiane fontana di Trevi) est fons Trivii in districtu Romano, a Nicolao Salvi, architecto Italico, anno 1730 designatus et a Iosepho Pannini aliisque anno 1762 confectus, Clemente papa XIII regnante. Qui fons, 26.3 metra altus, 49.15 metra latus,[3] est maximus fons Barocus in urbe unusque ex clarissimis fontibus in orbe terrarum. In nonnullis pelliculis notabilibus apparet, inter quas Roman Holiday, La Dolce Vita Friderici Fellini, Three Coins in the Fountain (titulo quidem eponymico), The Lizzie McGuire Movie, et Sabrina Goes to Rome.[4] In La Dolce Vita, Anita Ekberg, actrix Suecica, se aquis fontis insigniter aspergit.

"La fontana di Trevi al meriggio" (fons Trevii meridie) est tertius ex quattuor movimentis Fontane di Roma (fontium Romanorum), poematis symphonici Ottorini Respighi.

Notae[recensere | fontem recensere]

  1. "Fons Trivii, vel Trevii in urbe; Vulgo Fontana di Trevi" (Dini 1735), 256.
  2. "la fontana Trevi (fons Trivii)" (Ronna 1898), 15.
  3. "Trevi Fountain". TreviFountain.net .
  4. Silver, Alexandra (17 Maii 2010). "Top 10 Iconic Movie Locations". Time .

Bibliographia[recensere | fontem recensere]

  • Dini, Franciscus Licinianensis. 1735. Fastorum variorumque carminum: Lib. VI: In hac secunda Editione ab eodem Authore diligenter recogniti cum notis variorum. Assisii: Andreas Sgariglia Impress.
  • Pinto, John A. 1986. The Trevi Fountain. Portu Novo: Yale University Press. ISBN 0300033354.
  • Respighi, Ottorino. 1999. Fontane di Roma: The fountains of Rome: symphonic poem for orchestra. Mineolae Novi Eboraci: Dover.
  • Ronna, Antoine. 1898. Le acque di Roma: sorgenti, acquedotti, fontane. Romae: Ermanno Loescher & C.

Nexus externi[recensere | fontem recensere]

Commons-logo.svg Vicimedia Communia plura habent quae ad Fontem Trivii spectant.
  • De Fonte Trivii (Italiane)