Fontem paginae Cythera inspicere

{{L1}}
{{Capsa urbis Vicidata}}
[[Fasciculus:Diakofti-port-200408.jpg|thumb|Portus Diacoptes Cytherorum insulae]]
[[Fasciculus:2010 Dimi Pirea numbered.svg|thumb|upright=0.75|Situs demi Cytherorum (6) inter unitates regionales Insularum (2, 3, 6, 9-13) et Piraei (1, 4, 5, 7, 8)]]
'''Cythera''' ([[Graece]] {{Polytonic|Κύθηρα}}) sunt insula unitatis regionalis [[Insulae (unitas regionalis Atticae)|Insularum]] et regionis [[Attica (regio Graeciae)|Atticae]] in [[Graecia]], sed ab Attica longe distantia. Iuxta insulam minorem [[Elaphonesos|Elaphonesum]] promunturiumque [[Malea]]m ad meridiem versus iacet. Insula Cythera ipsa est pars maior demi Cytherorum; pars minor est [[Anticythera]].

== Mythologia ==
[[Venus]] praecipue hac in insula colebatur; nam ibi ''anadyomene'' e mari nata esse credebatur.

Cythera praeterea clara sunt illis tribus tabulis, quas [[Ioannes Antonius Watteau]] pictor
annis 1710 (conservata hodie [[Francofurtum|Francofurti]]) et 1717 ([[Lutetia|Lutetiae Parisiorum]]) et 1717 aut 1718 ([[Berolinum|Berolini]]) pinxit. Inscriptae sunt ''Peregrinatio ad Cythera insulam'' ([[Francogallice]] ''Pèlerinage à l’île de Cythère''). His operibus Watteau inventor fuit certi generis picturarum, in quibus cultus vitae nobilium in hortis et rure celebratus describitur.

== Historia ==
Antiquitus Cytherenses [[Lacedaemon|Lacedaemonii]] erant, non cives Spartani sed perioeci dicti (liberi homines erant sed Spartanis oboediebant). Insula naves onerarias ex Aegypto ceteraque Africa ad [[Laconia|Laconiam]] venientes portu accipiebat. Ob vicinitatem magni momenti ad Spartanae civitatis a mari securitatem<ref>[[Herodotus]], ''[[Historiae (Herodotus)|Historiae]]'', VII.235</ref> erat; itaque in magno periculo fuerunt Lacedaemonii cum [[Bellum Peloponnesiacum|bello Peloponnesiaco]] anno [[424 a.C.n.]] Nicias insulam occupavit<ref>[[Thucydides]] IV.53-56.</ref>.

Annis [[1797]] et 1798 Cythera ad praefecturam [[Mare Aegaeum (antiqua praefectura Franciae)|Maris Aegaei]] pertinebant, postea ad [[Res Publica Septinsularis|rem publicam Septinsularem]], mox ad [[Civitas Unita Insularum Ioniarum|civitatem unitam Insularum Ioniarum]] ([[Regnum Britanniarum|regno Britanniarum]] tributam). Anno [[1864]] ad [[Graecia]]m iterum iuncta sunt. Annis recentioribus usque ad 2010 Cythera demus fuerunt nomarchiae [[Piraeus (nomarchia Atticae)|Piraei]] in [[Attica (peripheria Graeciae)|Attica]].

== Incolae noti ==
* [[Eleutherius Benizelus]], primus minister Graeciae, hic habitabat inter annos [[1866]] et [[1869]].

== Notae ==
<references />
== Fontes ==
*[[Pausanias (scriptor)|Pausanias]] libro tertio ''[[Descriptio Graeciae|Descriptionis Graeciae]]'' 23.1
*[[Thucydides]], libro quarto ''[[De bello Peloponnesiaco]]'' 53-56

== Nexus externi ==
* [http://www.visitkythera.com Situs peregrinatorum] {{Ling|Anglice}}

[[Categoria:Cythera| ]]
[[Categoria:Insulae Ioniae]]
[[Categoria:Loci habitati Atticae]]
[[Categoria:Demi Graeciae]]