Wordle

E Vicipaedia
Jump to navigation Jump to search

Wordle est interretialis ludus verborum litterarumque creatus a Iosue Wardle, possessus et editus a The New York Times Company ab anno 2022. In ludo, lusores possunt conari sexies invenire verbum quinque litterarum. Indicia dantur lusoribus per colores quadrorum in quibus litterae inscriptae sunt.

Wordle Anglici ludus #196, perfectum post quattuor conatus

Wardle creavit hunc ludum pro se, sed edidit eum interreti pro omnibus Octobri 2021. Ianuario 2022, Wordle emptum est a The New York Times Company et motum est ad situm interretialem eius Februario eiusdem anni.

Modus Ludendi[recensere | fontem recensere]

Lusores sex conatus habent invenire verbum quinque litterarum, quod novum est quotidie et idem omnibus lusoribus.[1] Post omnem conatum, quadrum omnis litterae fit viride, flavum, aut canum. Si viride est, littera in recto loco est. Si flavum, littera in alio loco in verbo est. Si canum, littera non in verbo est.[2] Lusores possunt ludere in "modo difficili", in quo necesse est uti omnibus litteris iam viridibus flavisque in conatibus.[3] Wordle Anglicum, forma originalis, utitur orthographia Americana.[4]

Aliae Versiones[recensere | fontem recensere]

Propter popularitatem Wordle, multae versiones ludi factae sunt ab variis auctoribus. Absurdle est versio Wordle in qua verbum mutatur post omnem conatum, omnibus indiciis prioribus veris manentibus.[5] Quordle est versio in qua quattuor verba invenienda sunt lusoribus.[6] Aliae versiones totam formam Wordle mutant: in Semantle, lusores conantur invenire "verbum clandestinum" significatione eius, non orthrographia, et algorithmus linguisticus dicit lusoribus quam prope verbum clandestinum sint post omnem conatum.[7] Februario 2022, in 350 varias linguas Wordle adaptatum est.[8]

Fontes[recensere | fontem recensere]

  1. Astle, David (31 Decembris 2021). "Tips from an expert: How to solve everyone's favourite game Wordle". Sydney Morning Herald. Accessum 19 Martis 2022.
  2. Tech Desk (21 Decembris 2021). "Wordle: All about the viral game Twitter is going bonkers over". The Indian Express. Accessum 19 Martis 2022.
  3. Lyons, Kim (20 Ianuarii 2022). "How to play Wordle". The Verge. Accessum 19 Martis 2022.
  4. Kolirin, Lianne (9 Februarii 2022). "American spelling on Wordle fails to raise a smile among Britons". The Times. Accessum 19 Martis 2022.
  5. Winkie, Luke (13 Ianuarii 2022). "Absurdle: the machiavellian version of Wordle". The Guardian. Accessum 19 Martis 2022.
  6. Ng, Kate (23 Februarii 2022). "What is Quordle? The game four times harder than Wordle explained". Independent. Accessum 19 Martis 2022.
  7. Clairmont, Nicholas. (10 Martis 2022). "Word of the Week: Semantle". Washington Examiner. Accessum 19 Martis 2022.
  8. Graham-Harrison, Emma; Milmo, Dan (5 Februarii 2022). "Urdu, Chinese, even Old Norse: how Wordle spread across the globe". The Guardian. Accessum 19 Martis 2022.

Nexus Externi[recensere | fontem recensere]