Wannsee Conventus

Wannsee Conventus domus

Wannsee Conventus (Theodisce Wannseekonferenz) fuit conventus quindecim ducum Nazistarum die 20 Ianuarii 1942 habitus, inter quem Iudaeorum holocaustum ordinatum est. Conventui Reinhard Heydrich, Obergruppenführer SS (Lat. Dux Gregum Superior) functione principis Officii Centralis Securitatis Imperii (Reichssicherheitshauptamt RSHA), ita, ut in conventus tabula notatum, Sicherheitspolizei (Vigilum Securitatis) et Sicherheitsdienstes des Reichsführers SS (Muneris Securitatis Ducis Imperialis SS), praesedit.

Conventus scopus non disputatio caedis Europaeorum Iudaeorum, sed translatio iussi caedis supremo ex ordine in secundum, geographicum, fuit.

Acta argumenta conventus in tabulas paginarum quindecim scripta sunt. Hodie tabulae haec Wannsee conventus unum ex holocausti documentis momenti maximi habentur.

Conventus in intellegentiam et societatis totalitaristicae et transitus illectuum intra societatem addit.^?

Contextus historicus

Conventus religionem Iudaicam destruendam habuit. Photographia candelabrum septenarium (menoram) Ostiae anticae ostendit.

Iudaei iam in antiquitate classica Germania inferiore Imperii Romani cives habitabant, ut Coloniae Agrippinae anno 321 decretum imperiale mentionem, "Iudaeos vocari ad curiam" et "nullis nominationibus occupari", fecit.

Aevo Medio religio Iudaica in Germania florebat - usque ad "primam expeditionem sacram" anni 1095, quo persecutiones terribiles, pogromata, iterum iterumque exstiterunt.

Circiter ab anno 1870 antisemitismus denuo cum exstinctione Iudaeorum paulatim coniunctus est. Gulielmus Marr (antisemitismus rassismus), Henricus de Treitschke ("Die Juden sind unser Unglück" — Lat. "Iudaei nostrum malum", dictum Germaniae nazisticae), Adolfus Stoecker (dicta Germaniae nazisticae ut "internationales Judentum" — Lat. "Iudaicum internationale", "verjudeter Großkapitalismus" — Lat. "percapitalismus trans-iudaicus") antisemitismum momentum politicum fecerunt. Cum Gulielmus II imperator Germaniae regnabat (1888—1918), intra societatem, politicam, culturam, artes diversae res in morem venerunt, ut potestas nimis aestimata, viro regnante, militarismus, conservatismus — in summa "Gulielminismus" vocatur. Gulielmus Liebknecht societatem observans tam scholam castra quam castra scholam praeparare criticus commentavit. Aequalitate civium Iudaicorum caret: accessus in societatis partes intercludebatur. Quamquam saepe non aperte antisemiticus, tamen vox colloquio, cum Britannico ministro ab exteris negotiis, Eduardo Grey, ineunte tradita est: "Pernimium Iudaeorum in civitate mea sunt: evelli debent."

Post Primum Bellum Mundanum antisemitismus in societate Germanica denuo emanavit, ut per theorias conspirationum ope cognitionum selectivorum falsorum. Intra societatem imaginationes extremae et nationalisticae et antisemiticae confluxerunt, ut per Henricum Claß (pseudonymo Daniel Frymann) fictae.

Germania nazistica

Commentatio principalis: Germania nazistica

Invitatio Martino Luthero a Reinhardo Heydrich scripta: "Pragae, die 8 Ianuarii 1942. Carissime factionis sodalis Luthere! Id diei 9.12.1941 schedulatum colloqium de quaestionibus solutione finali quaestionis Idaeorum cohaerentibus, in illo tempore rebus subito nuntiatis occupationeque his nexa causa partis dominorum invitatorum, novissimo in minuto renuntiare infeliciter debui. Ut quaestiones tractandae morae maioris non permittunt, sic vos denuo invito ad consilium cum adiuncto prandio die 20 Ianuarii 1942, hora 12:00, Berolini in via Am Großen Wannsee 56-58. Is circulus dominorum invitatorum litteris invitationis prioribus nominatus immutatus restat." Supra manus notat "2) ad reallationem 13/1." et "cras": Infra et ad sinistram: "Consilii tabulae afferantur. 21/1."

• 24 Martii 1933 — Machtergreifung (potestatis captum)
• 1 Aprilis 1933 — Boicottatio negotiorum Iudaicorum
• 15 Septembris 1935 — Legum Norimbergensium proclamatio
• 9 Novembris 1938 — Nox crystallorum facta est
• 30 Ianuarii 1939 — oratio comitialis imperialis Hitleri, quo genocidium populi Iudaici adnuntiavit
• 1 Septembris 1939 — Secundi belli mundani initium
• 22 Iunii 1941 — Impetus in Unionem Sovieticam factus
• 28 Octobris 1941 — Deportationum Iudaeorum e Germania nazistica initium
• 23 Octobris 1941 — Discessus Iudaeorum interdictus per Henricum Müller
• 7 Decembris 1941 — Impetus in Portum Margaritarum factus
• 9 Decembris 1941 — Conventus dies primum annuntiata, sed renuntiata
• 11 Decembris 1941 — Belli denuntiatio contra Civitates Foederatas
• 12 Decembris 1941 — Conventus occultus Hitleri cum ducibus pagorum habitus
• 8 Ianuarii 1942 — Conventus invitatio scripta est.
• 19 Ianuarii 1942 — Rudolphus Lange 900 homines Iudaicos Rigae necare iussit.

Ministeria Imperialia et Officia Centralia sociorum conventu praesentium

In Germania nazistica duae vires magistratus nazisticos formant: Et factio NSDAP et Turma Praesidialis SS Henrici Himmler: NSDAP, post electionis anni 1933, gubernatores ministeriorum Imperii Germanici statuebat, Turmae SS autem structura propria erat, cum gubernatione per "Officia Centralia SS" duodecim. Ita intra Germaniam nazisticam imperium in imperio ortum erat. Differentia haec inter magistratus et NSDAP et SS ordinem nominum sociorum intra conventus tabulam determinat: Primum socii ministeriorum (NSDAP), secundum Officiorum Centralium (SS) nominati sunt.

Infra tamen Officia Centralia Ministeriis Imperialibus anteposita apparent:

• Ante annum 1933 Vigiles politici ministerio rerum interiorum attributi erant, sed post tres annos gregi antea incogniti Turmae Praesidialis (SS) nomine Vigiles Civitatis Occulti (Geheime Staatspolizei, GeStaPo) subiecti erant. Anno 1939 GeStaPo et Vigiles Criminales (Kriminalpolizei) in Officium Vigilum Securitatis (Sicherheitspolizei, Sipo) coniuncti erat; postea sub Henrico Müller GeStaPo Officium II formabat. Structura vigilum cum formationis Officii Centralis Securitatis Imperii vixdum extra SS visibilis fuit.
  Conventus tempore Munus Securitatis Ducis Imperialis SS (Sicherheitsdienst des Reichsführers SS) intelligentia NSDAP erat. Princeps Reinhard Heydrich erat. Die 1 Octobris 1939 Officii Centralis Securitatis Imperii, una cum Vigilibus Securitatis (GeStaPo et Vigiles Criminales), subiectum est.
  
  

  Officium Centrale Securitatis Imperii, mense Martio 1941. Officio IV B officina quattuor subordinata sunt. Officium IV B 4 ab Adolpho Eichmann gubernatur
  Officium Centrale Securitatis Imperii (Reichssicherheitshauptamt, RSHA) magistratus, oppressionem praestans, fuit, cuius Officium IV a mense Martio 1941 (Officium Vigilum Civitatis Occultorum, GeStaPo) ad adversarios cosmotheoreticos (IV B), inter eos ad Iudaeos (IV B 4, "res Iudaeorum et dimissionis", principe Adolpho Eichmann) spectabat. Coniunctio tum "rerum Iudaeorum" cum "dimissione" imaginationem "solutionis finalis" praedefinisse indicavit. Officii Centralis socii, qui, praeter Reinhardum Heydrich, in tabula ultimi nominati sunt, conventui intersunt: Reinhard, Heydrich, Henricus Müller, Adolphus Eichmann, Carolus Eberhard Schöngarth, et Rudolphus Lange. In conventus tabula, et multis in litteris, Reinhard Heydrich dux non Officii Centralis, sed Vigilum Securitatis et Muneris Securitatis nominatus est.
• Ab anno 1933 Officium Politicae Externae NSDAP detinebat ideam Adolphi Hitler: "fundum et fundamentum populo Germanico" "in Europa, imprimis in Orientali" creari. Mense Aprili 1941 Adolphus Hitler Alfredum Rosenberg destinavit, ut Ministerium Imperiale occupatorum Orientialium finium (Reichsministerium für die besetzten Ostgebiete, RMfdbO) formatum sit. Videtur, ut circum mensem Septembrem 1941, in parte sub arbitrio Henrici Himmler, genocidium impositum est. Conventu ministerii socii erant Alfredus Meyer et Georgius Leibbrandt.
• Consilio Quadriennii fuit in Germania nazistica status "Magistrati Imperialius Superioris". Anno 1936 Adolphus Hitler volebat, ut milites et oeconomia ad bellum prompti sint. Ut in libro suo Mein Kampf ("meae pugnae"), etiam ante Consilium Quadriennium explicavit, ut Germaniae nimium incolarum esset et "vitae spatium populi Germanici" (Lebensraum) dilatandum sit. Inde Hermannus Göring Consilium Quadriennii 1936—1940 explicavit, ut "controversia contra Russiam vitari non posset". Nullum secundum Consilium Quadrienni formulatum est. Tamen princeps consilii potentis, Fridericus Todt, perpetuo ad auctum muneris oeconomici spectabat. Simul Hermannus Göring, mandatus Consilii, capsam viridem, quae ad coloniae deductionem Unionis Sovieticae spectabat, scripsit. A die 5 Decembris 1941 demum Exercitus Ruber proelium Moscuae revertebatur contra Germaniam nazisticam, ut conventus die res in summo discrimine apparuerunt. Conventu ineunte Ericus Neumann mandatus Consilii adfuit.
• Ministerium Imperiale Explanationis Populi et Propagandorum, cuius socius partis II conventum renuntiavit, ad gubernationem incolarum, per media extra diaria, tractabat.

Conventus

Conventus in domo hospitum prope lacum Wannsee, Berolini, hieme 1941/42 acri, die 20 Ianuarii 1942 die -10°C, nocte -14.2°C, nivis altitudine 1-2 cm, humiditate aeris 86%, caelo valde nubiloso, habitus est.

Socii

Socii circiter 41.7 annos (31—51) nati sunt. Die 20 Ianuarii 1942 conventui interfuerunt et secum historias suas hactenus collectas adduxerunt:
Reinhard Heydrich

Scriptum Hermanni Göring, quo Reinhardum Heydrich institutionem "solutionem quaestionis Iudaeorum" parare mandavit.

Reinhard Heydrich die conventus 37 annos natus est. Parentes nationalistici erant. Primo Bello Mundano victi, Imperatoris Gulielmi II abdicatione calamitas ignominiaque sensiverunt. Anno 1922 Reinhard Heydrich ad Classem Imperialem accessit. Tamen haud politicus aestimatus est. Anno 1930 uxorem posteram, Linam von Osten nazisticam, cognovit, clam inter se despoponderunt. Propter amorem aliam in feminam simul contractam, Classis Navalis ei insinceritatem obiecit abiudicavitque gradum militarem praefecti militum. Dimissio hanc Reinhardo Heydrich iram et misericordiam sui perfecit. Anno 1931, sub uxoris arbitrio Factionis Operariae Socialistarum Nationalium Germanicae (NSDAP) formularium admissionis subscripsit, ut pariter vitam structurae et vestis militaris reobtineat. Eo tempore Henricus Himmler ei formationem intelligentiae, mox Sicherheitsdienst (SD, Officium Securitatis) nominatae, commisit. Velociter Reinhardus Heydrich laboribus ambitiosis suis necessarius apparuit. Hodie putatur, ut rigor nazisticus post annum 1931 demum, coniunctione cum structuris nazisticis evolvit. evolvit. Anno 1933 vicarius Vigilum Politicorum Bavaricorum (BPP). Nocte longorum cultrorum, qua Reinhardus Heydrich adversarios nazisticos necari iussit, Obergruppenführer (Lat. superior gregum dux) Turmae Praesidialis Praeses (SS) nominatus est. Intra Vigiles Securitatis (Sipo) rete custodiae amplum elaborabat adversus "hostes civitatis", "interrogationibus acutis" adhibendis. Postea Reinhard Heydrich princeps Vigilum Civitatis Occultorum (GeStaPo), denique Vigilum Securitatis et Officii Securitatis (SS) fuit, princeps apparatus tam et academici et potentissimi, quam et frigoris et antisemitismi. Mense Iulii 1941 scripto Hermannus Göring Reinhardo Heydrich institutionem "solutionem quaestionis Iudaeorum" parare mandavit. Deinde conventum, primum die 9 Decembris 1941, in aedibus Curationis Internationalis Vigilum Criminalium (IKPK), via Am Kleinen Wannsee Nr. 16, praeparabat, correxitque dies post in hospitum domum prope lacum Wannsee, diei 20 Ianuarii 1942.
Adolphus Eichmann
Adolphus Eichmann die conventus 35 annos natus est. Anno 1927 Coniunctioni Pugnatorum Frontalium Germaniae et Austriae, anno 1932 et Factioni Operariae Socialistarum Nationalium Germanicae (NSDAP) et Turmae Praesidiali (SS) accessit. Eruditionem paramilitarem in Dachano confecto, voluntarius Officio Securitatis (SD), intelligentiae Turmae Praesidialis, Berolini, nomen dedit. Mense Iunii 1935 in Partem II 112 (Iudaeorum) translatus est, quo princeps Relationis Sionistarum fuit et cum Vigilibus Civitatis Occultis (GeStaPo) collaborabat, ubi "emigrationem" dictas expulsiones Iudaeorum ex Germania impellebat. Scripto suo, Zur Judenfrage (ad Iudaeorum quaestionem), religionem Iudaicam natioem et inimicum aeternum Nazismi declaravit. Hac de causa "Entjudung Deutschlands" (De-Iudificatio Germaniae) "solum fiat, si Iudaeis Germanae basis vitae, id est facultas negotiorum oeconomica, dematur." Unde proposuit, ut Iudaei in alias civitates expellantur, ut Americae Australis vel in Palaestinam. Secundo Bello Mundano pandente profugi magis magisque aliis ab civitatibus repudiabantur. Ab autumno 1941 emigratio Iudaeorum interdicta est, Adolphus Eichmann princeps Partis IV B 4 ("rerum Iudaeorum et relictionis") fuit, postea deportationes Iudaeorum et traminum in castra carceralia gubernabat. Pro eo omnia castra carceralia visitabat, ut methodus et logistica fingat. Immediate ante conventum orationis exemplar Reinhardi Heydrich praeparavit et actorum scriptor electus est.
Iosephus Bühler
Iosephus Bühler die conventus 37 annos natus est. Monaco, Kielia, Erlanga, Berolino iuris doctrinae studebat. Ab anno 1930 usque ad annum 1932 in tabulario apud Ioannem Frank laborabat, ab anno 1934 in Ministerio Iuris Imperiali. Anno 1939 princeps sub Ioannem Frank in "Gubernamento Generali" (finibus reipublicae Polonicae secundae, 1919—1945) agebat, et ope epistulae diei 12 Ianuarii 1942 iudaeos ab gubernatoribus localibus misericordiam non probari instituit.
Rolandus Freisler
Rolandus Freisler die conventus 48 annos natus est. Ab anno 1912 Ienae iuris doctrinae studebat, at interrupit Primo Bello Mundano suscipiente, ut voluntarius nomen daret. Bello captus prope Moscuam retinebatur; mox democratiam socialem Russicam (Bolsevicos) iuvabat. Anno 1920 demum, cum capti ceteri iam anno 1918 dimissi erant, in Ienam rediit, ubi dissertationem iuridicam submisit. Anno 1924, una cum fratre suo, iuris consultus laborabat. Anno 1925 Factioni Operariae Socialistarum Nationalium Germanicae (NSDAP) accessus sodales NSDAP delictum commissos defendebat. Orationes et offendentes et minantes contra alios consultos, victimas, iudices infames late percepti sunt. Poenae ius nazisticum excolebat. Rolandus Freisler poena iuri voluntatis, secundum quod non facinus ipsum, sed iam eius voluntas poenae digna sit, praestabat. Die 4 Decembris 1941 Ordine Poenae Iuris Poloniae nazistico rato, paulo post Rolandus Freisler tres in partibus explanavit, ut Ordo hic adversus non Germanicos, scilicet imprimis Polonios et iudaeos adhibendus sit, ut poena mortis vel "castris acutis" propter vel violentiam vel vocem hostilem contra Germanicos.
Otto Hofmann
Otto Hofmann die conventus 45 annos natus est. Monaci eruditus primi belli mundani initio voluntarius nomen suum dedit. Anno 1917 Exercitus Rubri captivus est, tamen ei post quinque hebdomas ex captivitate fugere contigit. Factioni Operariae Socialistarum Nationalium Germanicae (NSDAP) accessit bis: mense Aprili 1923 et denuo 1925, anno 1931 Turmae Praesidiali (SS). Cum Machtergreifung (capto potestate Hitleri) anno 1933 Otto Hofmann dux SS, annoque 1936 princeps Directorii Generalis Rassae et Colonisationis (RuSHA) fuit. Eo munere politicam nazisticam et Poloniae et Unionis Sovieticae finibus efficiendo studuit: namque expulsione incolarum domesticorum, expropriatione possessionum, sterilisatione coactis, abortu coacto, matrimoniis interdictis, infantium ablatione et laboribus coactos.
Gerhardus Klopfer
Gerhardus Klopfer die conventus 36 annos natus est. Ienae, Vratislaviae, Berolini iuris doctrinae studebat. Iam ante annum 1927 Gulielmum Stuckart, item conventus socium, velut theoreticum nazisticum Wernerum Best, qui Vigiles Civitatis Occultos (GeStaPo) et Officium Centrale Securitatis Imperii (RSHA) et "Greges Operarios Vigilum Securitatis Officiique Securitatis (EGr)" excogitavit, cognovit. Mense Aprili 1933 et Factionis Operariae Socialistarum Nationalium Germanicae (NSDAP) sodalis fuit. Anno 1935 Tabularium Factionis (Partei-Kanzlei) legatus est. Confecit Ius Civium Imperiale, quod Leges Norimbergenses effecit. Anno 1941 Tabularium Factionis et Directorium Generale Securitatis Imperii de quaestione "mixticiorum Iudaicorum" pacta sunt, ut quam multi "mixticii" deportationes adiungantur.
Fridericus Gulielmus Kritzinger
Fridericus Gulielmus Kritzinger die conventus 51 annos natus est, ita inter conventus socios senissimus erat. Fridericus Kritzinger Friburgi Brisgoviae, Berolini, Gryphiswaldiae iuris doctrinae studebat. Primo bello mundano intererat, postea assessor iudicii officialis, paulo post in Ministerio Imperiali Iustitiae laborabat, quo res iuris internationalis tractabat. Re Publica Vimariana (1918—1933) ineunte sodalis cuiusvis factionis politicae non erat. In electionibus autem Factioni Populari Germanicae Nationali suffragatus est. Fridericus Kritzinger iuris civitatis (Staatsrecht) peritus, quod in Germania ad relationes inter civitatem et iura prima civium spectat, valuit. Anno 1938 in Tabularium Imperiale per principem illius Ioannem Lammers, qui in Actio T4 implicatus erat, identidem munere vocatus est. Ibidem "edictum adversus populi animalia noxium" et versionem decimam primam Iuris Civium Imperialis (die 25 Novembris 1941), quod, inter alia, translationem divitiarum civium Iudaicorum constituit, elaborabat. Hodie Fridericus Kritzinger ante conventum de Soa caede notitiam non possedisse putatur - et vere 1942 abdicationem suam rogavisse.
Rudolphus Lange
Rudolphus Lange die conventus 31 annos natus est, ita inter socios iuvenissimus erat. Rudolphus Lange in Ienae, Monachi, Salinis Saxonicis iuris doctrinae studebat. Ab anno 1933 Vigilibus Civitatis Occultis (GeStaPo) laborabat, demum ab annis 1936 Turmae Praesidialis (SS) et 1937 Factionis Operariae Socialistarum Nationalium Germanicae (NSDAP) sodalis fuit. Intra GeStaPo a Salinis Saxonicis in Stutgardiam, Vimariam, Erfordiam, Cassellam, denique Berolinum translatus est. Laborabat medio in gradu in "adversarios oppugnado" (Gegnerbekämpfung), ita functionem constantem apparatus terroris sustinens. Sub formatione "Gregum Operariorum Vigilum Securitatis Officiique Securitatis (EGr)" Reinhardi Heydrich Rudolphus Lange princeps Gregis A, quem Iudaeos necare iussit. Usque ad mensem Decembris 1941 sexaginta milia Iudaeos Lettoniae necari iussit, etiam die ante conventum: Numerus Iudaeorum, qui eo die mortis dediti sunt, fuit nongenti. Deinde a Riga in Berolini conventum volavit.

Ante conventum homines Germaniae nazisticae caedem Iudaeorum in finibus diversis fecerunt, ut, sub Georgio Leibbrandt, in regionibus civitatum balticarum et partium Rutheniae Albae.

Georgius Leibbrandt
Georgius Leibbrandt die conventus 42 annos natus est. Primo bello mundano ineunte interpres linguarum Theodiscae et Russicae et Ucrainicae et Francogallicae et Anglicae laborabat, post bellum theologiae et philosophiae et oeconomiae nationali studuit. Clara Zetkin dum legata Diaetae Imperii Germanici Factionis Communisticae Germanicae suasore iter explorationis in Unionem Sovieticam fecit. Anno 1928 Factionem Operariam Socialistarum Nationalium Germanicam (NSDAP) accessit. Penes eum, Muneris Politici Externi NSDAP (APA) parte orientali principem, propaganda et anticommunistica et antisovietica fuerunt. Vere 1938 Alfredus Rosenberg Ministerii Imperialis occupatorum Orientialium finium (RMfdbO) Georgio Leibbrandt seriem scripturarum de bolsevismo scribere mandavit. Affirmavit Georgius Leibbrandt religionem Iudaicam causam esse, ut in Russia ideae marxisticae minaces postulato imperiali exsisterent. Ita, ut Leibbrandt scripsit, Germaniae missio culturae Europaeae custodiendae esset. Ab eo tempore assessor tribunalis populi fuit. Mense Iulii 1941 princeps partis principalis I Ministerii Imperialis occupatorum Orientialium finium fuit. Die 31 Octobris 1941 statim a commissario imperiali Hinricho Lohse renuntiationem poposcit, querimoniae causa, Hinrichum Lohse caedem Iudaeorum Libae interdixisse.
Martinus Luther
Martinus Luther die conventus 46 annos natus est. Mense Martio 1933 et Factionis Operariae Socialistarum Nationalium Germanicae (NSDAP) et Divisionis Oppugnatoriae (SA) sodalis fuit. Ab anno 1936 sub Ioachimo de Ribbentrop, quem legatus Franciae Robertus Coulondre nil humanum testatus est, laborabat, primum in munere Ribbentrop (Dienststelle Ribbentrop), quod ad connexus extraneos consocationum internationalium ope spectabat. Postea Ribbentrop in consocatione ministrum rerum externarum, iterum, nunc in ministerio externo, res propagandorum diffudit, denique civitates instando, ut eae Iudaeos Germaniae nazisticae tradant. Iam paulo ante conventum notam orationis scripsit: "Occasio belli utenda ad, in Europa, quaestionem Iudaeorum finaliter tollendum." E Berolini centro in conventum oriens, portavit secum memorandum diei 8 Decembris 1941, nomine "Optationes et ideae munere rerum externarum finalis propositae solutionis quaestionis Iudaeorum in Europa", quo pro ministerio assensionem caede Soa, ope et Judengesetze (Iudaeos legum) et Abschiebung (relegationis), indicavit.
Alfredus Meyer
Alfredus Meyer die conventus 50 annos natus est. Anno 1911 voluntarie exercitum imperialem accessit, primo bello mundano ineunte vulneratus, bello captus in Francia vixit. Iam anno 1928 Factionis Operariae Socialistarum Nationalium Germanicae (NSDAP) sodalis fuit. Diaetae Imperialis electione Septembris 1930 legatus fuit. Annis proximis diversa munera accepit. Mense Aprilis 1941 vicarius Alfredi Rosenberg Ministerii Imperialis occupatorum Orientialium finium (RMfdbO), quod ad caedem Soa spectabat. Ab aestate 1941 ministerii partes principales politicae et administrationis et oeconomiae rexit, quo Alfredus Meyer non solum expilationem et spoliationem incolarum, imprimis Iudaicorum, occupatorum finium orientialium et Sovieticorum et Balticorum iussit, sed etiam eorum oppressionem et aulatum et caedem.

Photographia nexum inter Henricum Müllerum (ad dextera,) et Henricum Himmler (in medio) et Reinhardum Heydrich (inter utrumque) demonstrat.

Henricus Müller
Henricus Müller die conventus 41 annos natus est. A circiter anno 1925 vigilibus politicis, ab anno 1933 Monaci Vigilibus Politicis Bavaricis (BPP), pariter initium institutionale Henrici Himmler et coniunctio cum castris carceralibus Dachani, anno 1933 erectis, non procul ab Monaco locatis, laborabat. Ipsi Vigiles Politici Bavarici basem societatem Henrici Mülleri cum Henrico Himmler et iam supra Reinhardo Heydrich descripto constituerunt. De facto Henricus Müller, eo tempore triginta tres annos natus, et Himmler et Heydrich singularis persona momenti maximi valebat, ita ut formationis Vigilium Civitatis Occultorum (GeStaPo) Berolini praefectus est. Mense Aprili 1934 Turmam Praesidialem (SS) accessit. Iam anno 1935 moderationem GeStaPo "Relationis II 1 B", quae ad consocationes spirituales, Iudaeos, sodales doctrinae latonismi, et patria profugos spectabat, accepit pauloque post alias ibidem potestates. Simulavit anno 1939 impetus in Glivicum adversus stationem emissoriam, ex quo natus est impetus in Poloniam, simul initium secundi belli mundani. Dux vigilum GeStaPo Henricus Müller innumerabilium et secelerum et maleficiorum particeps fuit. Notio Sonderbehandlung, "tractationis specialis", circum Henricum Müllerum emanavit. Die 23 Octobris 1941 Müller per ordinem occultum discessum Iudaeorum ex Germania interdictum esse declaravit: "Dux Imperialis SS et princeps Vigilum Germanicorum instituit, discessum Iudaeorum effectu praesente impediendum esse. (Actiones evacutationum restant ex hoc intactae.) Quaeso, aliquo numero spectantes magistratus Germanicos interiores de ordine hoc docere. (...) Vicarius subscriptum, Müller"

Stella flava Iudaeorum ab Erico Neumann excogitata est.

Ericus Neumann
Ericus Neumann die conventus 49 annos natus est. Prius Factionis Popularis Germanica Nationalis (DNVP) sodalis, mense electionis foederalis Diaetae Imperialis Martio 1933 se sodalem Factionis Operariae Socialistarum Nationalium Germanicae (NSDAP), mense Augusto 1934 Turmae Praesidialis (SS) esse decrevit. Ab anno 1935 in oeconomiam et gregem pecuniae externae studentem orsus, mense Augusto 1936 dux coercitor oppugnatorum superior (SS-Obersturmbannführer) nominatus, ab anno 1938 eum muneribus oeconomiae Arianorum^? faciendi praefectus est, insuper ei insigne coactum Iudaeorum (stellam flavam) valere commissum est. Anno 1941 de regionum captarum victibus necessitates earum deduxit. Etiam petroleum ex civitatibus extraneis, ope societatis Kontinentale Öl ("petrolei continentalis"), venditabat.
Carolus Eberhard Schöngarth
Carolus Eberhard Schöngarth die conventus 38 annos natus est. Mense Novembris sodalis et Factionis Operariae Socialistarum Nationalium Germanicae (NSDAP) et Divisionis Oppugnatoriae (SA) fuit, post seditionem Monacensem comprehensus postea factionem reliquit, iam mense Ianuarii 1933 (mense actionis Machtergreifung) ei iterum accessit. Ab anno 1935 Vigilibus Civitatis Occultis (GeStaPo) laborabat. Mense Novembris 1936 dux oppugnatorum inferior (Untersturmführer), in conventu Wannsee dux coercitor oppugnatorum superior (Obersturmbannführer) nominatus est. A die 30 Ianuarii 1941 praefectus vigilum securitatis et officii securitatis Poloniae tum occupatae fuit.
Gulielmus Stuckart
Gulielmus Stuckart die conventus 39 annos natus est. Iam discipulus in factione populari Germanica nationali numeratus est. Monahi et Francofurti ad Moenum iuris doctrinae studuit. Eum Hermannus Göring mense maii 1933 directorem ministerialem in ministerio borussico vocavit, quo G. Stuckart cum aliis nazisticam Academiam Germanicae Iuris fundavit; a die 30 Iunii 1934 fuit secretarius civitatis, a die 7 Iulii 1934 in recente formato Ministerio Imperiali Eruditionis secretarius civitatis imperialis, sub ministro imperiali Bernhardo Rust, cum quo diversae conflictiones narratae sunt; et iam mense Novembri 1934 ei vacatio datur. Post designationem suam mense Martio 1935 iuris administrativi consultus et politicus nazisticus fuit laborabatque in Ministerio Imperiali Rerum Internarum; eo munere participavit formulationis Legum Norimbergensium. Mense Martio 1938 denuo secretarius imperialis nominatus est. Edictum commutationis nominum diei 17 Augusti 1938, quod Iudaeis praenomina Iudaica praescribebat, subscripsit.

Conventum renuntiavit Leopoldus Gutterer.

Praeter Reinhard Heydrich et Adolphum Eichmann, qui supra nominati sunt, ceteri socii, in Germania nazistica non iam late noti sunt. Iudiciis Norimbergensibus ineuntibus sociorum tum viventium nemo de conventus argumentis recordari noluit. Conventui nulli ministri adfuerunt. Conventus scopus translatio iussi caedis ex ordine supremo in secundum (geographicum) fuit.

Wannsee Conventus invitati

Tabula ordo	Nomen	Annos natus	Annos NSDAP	Annos SS	Officii Centralis	Notae
6	Bühler	37	9
12	Eichmann	35	10	10	ita
5	Freisler	48	16
nulla	Gutter	39	16	17		Conventum renuntiavit
10	Hofmann	48	18	10	ita
8	Klopfer	36	8	6
9	Kritzinger	51	3
14	Lange	31	4	5	ita
2	Leibbrandt	42	8
7	Luther	46	8
1	Meyer	50	13
11	Müller	41	2	7	ita
4	Neumann	49	8	7
13	Schöngarth	38	19	8	ita
3	Stuckart	39	19	5

Conventus tabulae

De conventu acta tabulae paginarum quindecim scriptae et 30 exempla eorum facta sunt. Wannsee conventus tabulae verba et velantia et occultantia at simul manifesta adhibent. Paginae primae supra rubre Geheime Reichssache, res imperialis occulta, imprimatur. Designatae est "colloquii tabulae". Quamquam puncta quattuor scripta sunt, unum tantum momentum habuit: "Solutio quaestionis Iudaeorum", dicens caedes Iudaeorum Europaeorum.

Forma et orthographia

Scriba Ingeburga Werlemann, secretaria Adolphi Eichmann, die conventus 29 annos nata est, annotationes per stenographiam fecit. Dixit multis annis post stenographiam conventu ineunte difficilem esse, quia "multum confuse disputatum esset". Acta dactylographio scripta sunt. Initia partium litteris vacuis decem promota sunt, paginarum numeri, supra posita, litteris vacuis quindecim. Dactylographio signum speciale, praeter signa linguae Theodiscae (Ä, ä, Ö, ö, Ü, ü, ß), etiam "SS" erat. Indices divisionum variant ("a/" vel "a)"), ut spatia inter lineas. Dactylographii litterae maiores paululum altiores positae sunt. Imprimis linea suprema litterae et maior (A) et minores (usfertingungen) omnes altitudines sunt aequales. Intra textum varie littera "O" (cum linea altiore) pro numero "0" (sine altitudinis differentia) adhibita est, ut in pagina octava (30.10.1941 cum zero recto, 280.000 cum littera "O").

Ductus

Pagina prima tabularum Wannsee conventus

Pars I.: Nomina sociorum conventus

Deinde "I. Ei, die 20.1.1942, Berolini, Am Großen Wannsee 56/58 facto colloquio de solutione finali quaestionis Iudaeorum interfuerunt:" Locutio decaede facta nominatur, eo modo immutabilitas demonstratur; pariter solutio dicitur finalis; insuper non de Europaeis Iudaeis, sed de eorum quaestione — nemo quidem rogabat, at interfuerunt).

Sequuntur paginae una et dimidia nomina sociorum conventus continentes.

Pars II.: Formatio consensus incolas Iudaicas reprimendi et emigrationis ad id tempus

Sub II. scriptum est:

Praefectus Vigilum Securitatis Officiique Securitatis, dux gregum superior Heydrich, primum nominationem suum, Marescallo Imperiali, mandatum praeparationis solutionis finalis quaestionis Iudaeorum Europaeorum annuntiavit indicavitque, ut in colloquium hoc invitum, sic claritas quaestionum principalium institueretur. Marescalli Imperalis optatio, ei descriptio momentorum et instituendi et pertinendi et solvendi ad solutionis finalis rationem quaestionis Iudaeorum Europaeorum mittenda, antecedens communisque tractatio omnium instantiarum centralium sub societate requirit, ut ad rationem parallelifacientis linearum ducendi.

Mentio duplex "Marescalli" Hermanni Göring agentis (mandare, "optare") quamcumque dubitationem exstinguere in animo habuit. Reinhard Heydrich "mandatus" claritatem, i. e. unius modi, postulavit. "Quaestiones principales" in conventus initio indefinitivae descriptae sunt, quia verbo Theodisco quaestionum articulo definitivo (in den Fragen) caret; ita suspicari potest, ut sociorum quique Soa caede, vel amplitudinis magnae, coeptata ignoraverunt.
Pagina tertia:

Calamo scriptum in solutionem finalem tractando quaestionis Iudaeorum, nulla ratione geographicorum finium, in medium, Duci Imperiali et praesidi vigilum Germanicorum (praesidi Vigilum Securitatis et Muneris Securitatis) sit.

Secundum tabulam, usus coniunctivi ad orationem indirectam "Marescallus Imperialem" relatus est, qui mandator et praeparationem et tractationem "quaestionis" Soa et "Duci Imperiali SS" et "praesidi vigilum Germanicorum" ducibus posuit: Hermannus Göring → Henricum Himmler → Reinhardum Heydrich
In conventu, vero, solum praeses vigilum Germanicorum adfuit.

Praeses Vigilum Securitatis et Muneris Securitatis tunc respectum brevem proelii adhuc gesti contra istum adversarium dat. Momenti maxime proprii formant
a/ repressum Iudaeorum ex singularibus vitae regionibus populi Germanici,
b/ repressum Iudaeorum ex vitae spatio populi Germanici.

Post significationis sui descriptionem ea contentionum suarum sequitur, verba brevitatis et gerendi iterum demonstrationem, facilitiatis et actionis, indicat. Secundum formam eo loco utraque definitione et istius adversarii et proelii caret. Verbum Theodiscum adversarii (Gegner) hic tantum adhibitum est, ut pugnae (Kampf) . Iudaei vel grege hominum (Juden, tricies scriptum) vel "quaestione" (Judenfrage, decies scriptum), vel uso adiectivi ceteri (Juden—, jüdisch, ter decies scriptum) apparent. Pagina et septima et ultima modo notio subiectivus singularis Jude invenitur. Scriptori omnis modis imago ante oculos viva "adversarii" exstabat. Deinde describitur "repressus" ope eum "praeparandi", "gubernandi", "accelerandi":

Studiorum persequendo unica solutionis facultas acceleratio emigrationis Iudaeorum ex Imperii fini amplificata et secundum consilium impetus suscepta est
Institutione Marescallus Imperii mense Ianuario 1939 Centrum emigrationis Iudaicae erectum est, cuius dux Vigilum Securitatis et Officii Securitatis praefectus est. Eo [centro] erant praecipue munera
a/ consilium praeparationis emigrationis auctae Iudaeorum parare
b/ emigrationis fluxum gubernare,
c/ exsecutionem emigrationis casu singulare accelerare.
Munerum scopus erat, modo legali spatium Germanicum de Iudaeis purgare.

In documento numeri 16 verba "modo legali" linea subter crassior cum signo exclamationis "!" addita est, promens, quod omnes res adhuc delineatae sensi legales sunt.

Pars III.: Consultum exstinctionis incolarum Iudaicarum

Sub sectione III. infamissimae sententiae leguntur:

Loco emigrationis facultas iam addita, probatione antecedente Ducis, ablatio Iudaeorum in Orientem successit.
Actiones haec tamen facultates dubiae tantum alloquendae sunt, tamen iam usus accumulatus est, qui ad solutionis finalis futurae rationem quaestionis Iudaeorum momentum magnum affert.

Deinde, pagina 6, numerus centies centena milia hominum Iudaeorum, cum tabula, iam ante conventum praeparata, civitatum diversarum categoriarum A. et B. nominatus est. Lineae tabulae, post scriptum, pictae unitatem documenti ostendat. Potest putari, ut tabula haec colloquio ineunte sociis demonstrata vel etiam scripta distributa sit. Distributio civitatum inter "A." et "B." documento non explanatur.

Sequitur, pagina 7, explanatio tabulae:

Dictis numeris Iudaeisdiversorum externorum civitatum tamen agitur de Iudaeis Fidei tantum, ut adhuc in parte ibi constitutionibus verborum carent Iudaeorum secundum rassarum rationes.

Indicatur sic, ut omnibus Soa caedes eveniat. Sententia legitur ut proximam antecapiendi:

Tractatio problematis civitatibus singularibus ad rationem habitus generalis opinionisque difficultates certas offendet, imprimis in Hungaria et in Romania. Ita potest se, in Romania per exemplum, is Iudaeus pecuniae ope, documenta idonea, quae ei civitatem externam publice testantur, comportare.

Prostremo numerus Iudaeorum maior Unionis Sovieticae, qui tabulae loco ultimo invenitur, commentatur. Unionis Sovieticae professiones Iudaeorum descripta sunt. Tunc

Sub gubernatione apta nunc tenore solutionis finalis Iudaei, modo apto, studiis operariis veniant (. ...) quo sine dubio magna pars ope imminutionis naturalis excident.
Copia forsitan reliqua denique manens erit, (...), tractanda, ut haec, electio naturalis, liberando germen novae Iudaicae exstructionis alloquendum est (...). Tenore exsecutionis solutionis finalis, Europa ab occidente ad orientem transpectitur. (...) Iudaei adlati primum gradatim in ghecta transitoria dicta aguntur, ut ab eis porro in Orientem portentur.

Pars IV.: De matrimoniis "mixtis"

Sub parte IV, paginae 10—14, tabulae ad leges Norinbergienses referunt, quae dissolutionem matrimoniorum "mixtorum" poposcerunt, in "problematum purgationem sine reliquiis" "solvendo".

Finis tabularum

Sectio terminalis legitur:

(...) sollicitudo incolarum evitanda est.
Cum praeside vigilis securitatis et officii securitatis socios conventus rogante, ut ei auxilio exsecutionis et operum et explicationum provideant, colloquium finitum est.

Sermo

Documenti genus scribendi valde grapheocraticum apparet. Simul verba, quamquam tabulae res imperialis occulta superscriptae, in parte occulta ipsa apparent. Per exemplum, pro caede "tractatio" (Behandlung) adhibitum est. Pariter "vectura et migratio" (Umsiedlungstransport) ad tramina in castra carceralia rettulit.

Sermonis logica interna ad rem occultam imperialem spectabat. Tamen unusquisque conventus sociorum definite de caede scivit. Intentio termino tabularum formulatur, sollicitudindem incolarum non Iudaicorum evitandam esse.

Interpretatio

Sociorum cogitationes opinionesque praeceptae

Utroque socio cogitationes propriae ante conventum formatae attribui conatae sint. Cogitationes, secundum psychologiam cognitivam, motus animi velut mores nascuntur. Opiniones sociorum, civitatis totalitaristicae, maiore in parte, irrealisticae rendae sint, si categoriae earum hae inveniri possint:

• Praemissa postulationes absolutae, postea
• conclusiones aestimationes globales (pensatis late carentibus),
• conclusiones distortiones significationum,
• conclusiones intolerantiae, sine facultate motus animi negativos patiendi.

Praemissum Rasse
Doctrina nazistica rassarum humanarum differentias corporeas putabat, et inter homines invenire volebat. Unde "hygiene rassarum" conclusio derivatum est, ut interdictio mixturae inter putativas rassas. Ideologia nazistica "rassam nordicam" aliis superiorem esse postulabatur, et spatium proprium requirere. Pariter hypothesis "sanguinis Germanici" formulata est. Doctrina globalis in Germania nazistica distribuebatur docebaturque. Olim classificatio concepta notio rassae distortionem passa est, cum differentia inter "superius" et "inferius" derivabatur. Legibus Nurembergiensibuss demum interolerantia infamis exstabat.
Praemissum Lebensraum
"Vitae spatium" est postulatio pariter et centralis et absoluta ex diversis praemissis. Similiter in ethnopluralismo politicae dextrae optio Lebensraum fines inter culturas, non nationes poscit. Iam in libro Adolphi Hitler Mein Kampf scripta, nazista Germanica Lebensraum (vitae spatium) rassae Germanicae postulabat. Lebensraum alios modos vivendi negat. Notioni nazistici "spatii" distortione opponitur notio et biologica habitationis et sociologica pluralismi. Lebensraum est illusio. Lebensraum voluntati nazistico singulari subiciatur, habitatio autem progressioni omnium, et pluralismus progressionem voluntarie accipit. Intolerantia Lebensraum gregis certis tantum angustat, habitatio diversitas autem omnibus aperta est, pluralismus ad diversitatem culturalem augmentat.

Conventus effectus

Invitatio conventus proximi.

Reinhard Heydrich finem assecutus est. Ab sociorum ceteris

• "solutio finalis" accipitur,
• nemo ullam obiectionem posuit,
• unusquisque collaborationibus providet.

Paulo post conventus proximi, die 6 Martii 1942, invitatum est. Invitatione Reinhard Heydrich de "linea basali" facta et de "consensu completo" accepto scripsit.

Expositio memorialis

Hodie expositio diligenter cursum conventus exponit. Hic visitorum grex centri documentarii socio aures praebebant.

Hodie loco Wannsee conventus expositio de "colloquio" admonet.

Nexus interni

• Anna Arendt ("vulgare malignitatis" adhibuit)
• Germania nazistica
• Newspeak / 1984 (liber)
• Soa

Nexus externi

Vicimedia Communia plura habent quae ad Wannsee Conventum spectant.

• Wannsee conventus domus (inscriptio)
• Conventus acta/tabulae (Theodisce)
• Haus der Wannseekonferenz: Opera de Wannsee Conventu
• De Pellicula Die Wannseekonferenz (1984) in Indice Interretiali Pellicularum (Anglice)
• De Pellicula Die Wannseekonferenz (2001) in Indice Interretiali Pellicularum (Anglice)