Vulpes velox

E Vicipaedia
Salire ad: navigationem, quaerere
Vulpes velox
Conservationis status
Taxinomia
Regnum: Animalia
Phylum: Chordata
Classis: Mammalia
Ordo: Carnivora
Familia: Canidae
Genus: Vulpes
Species: Vulpes velox
Binomen
Vulpes velox
Say, 1823
Habitatio Vulpis velocis

Vulpes velox est parva familiae Canidarum vulpes, quae in planitiebus Americae Septentrionalis habitat. Nomen tractum est ex celeritate: usque ad 60 chiliometra horalia currere potest.[1]

Anatomia[recensere | fontem recensere]

Vulpes velox in horto zoologico interdiu conquiescens.

Vulpes velox agnoscitur ob corpus parvum, circiter felis magnitudine. Punctum nigrum nasi lateribus et aures magnas acutasque habet.

Aestate pellis est cana rubella, concisa rudisque; hieme, longior densiorque, cana, alba, aurantia.

Pondus maris est 2.45 chiliogrammata; feminae, 2.25 chiliogrammata.[1] Haec vulpes a naso usque ad caudam est 80 centimetra longa.[1][2]

Habitatio[recensere | fontem recensere]

In planitiebus quo nihil conspectum compescit Vulpes velox habitat, in herbis variis brevibusque.[3] Septentrione ea tenditur usque ad austros planitierum Canadensium; australe usque ad Texiam.

Vulpes velox incolat in caverna, quae usitate collis culmine et prope fluvium stativum est. Saepe est re vera antiqua caverna melis sciurive, quam vulpes libere fingit. Dissimilis plurimorum vulpium, ea in caverna per annum habitat, et ad ipsam defendam et ad fetus tegendos. Rare e caverna nocte vel tempore ventoso exit.[1]

Alimonia[recensere | fontem recensere]

Vulpes velox inter tempora anni varie vescitur.[2] Potissimum mures, cuniculos, et cadavera comedit; sed insecta quoque, et aves, reptilia, et amphibia alunt. Aestate pinguescit ut hiemi superet. Ad praedas capiendas celeritate doloque utitur.[1][2]

Subspecies[recensere | fontem recensere]

Vulpi veloci non sunt subspecies.[4]

Notae[recensere | fontem recensere]

Nexus externi[recensere | fontem recensere]

Commons-logo.svg Vicimedia Communia plura habent quae ad Vulpem velocem spectant.


Mammalia Haec stipula ad mammale spectat. Amplifica, si potes!