Victor Žirmunskij

Victor Žirmunskij

Res apud Vicidata repertae:

Nativitas: 21 Iulii 1891, 2 Augusti 1891; Petropolis
Obitus: 31 Ianuarii 1971; Petropolis
Patria: Imperium Russicum, Russica Sovietica Foederativa Socialistica Res Publica, Unio Sovietica

Familia

Genitores: Q18242114;
Coniunx: Nina Aleksandrovna Žirmunskaâ
Proles: Aleksey Zhirmunsky, Q120007027

Memoria

Sepultura: Cemetery in Komarovo

Victor Maximi filius Žirmunskij (Russice Виктор Максимович Жирмунский, tr. Viktor Maksimovič Žirmunskij; Petropoli in familia Iudaeica natus die 21 Iulii [2 Augusti] 1891, Leninopoli mortuus die 31 Ianuarii 1971) fuit linguista atque studii litterarum peritus Russicus et Sovieticus, alumnus Universitatis Petropolitanae (ubi dein docebat), ab anno 1939 correspondens et ab anno 1966 ordinarius Academiae Scientiarum URSS socius (in institutis investigatoriis eius operi favens, e.g. ab anno 1957 fuit praefectus sectoris linguarum Indoeuropearum subdivisionis Leninopolitanae Instituti linguisticae Academiae illius). Circa anno 1920, socius OPOJAZ fuit. Ad dialectologiam praesertim linguae Theodiscae, studium historiae linguarum Germanicarum atque litterarum Angliae et Germaniae, theoriam grammaticae et litterarum (e.g. versus) atque ad turcologiam contribuit. Opera scientifica de his rebus Russice seu nonnunquam Theodisce scripsit.

Nexus externi

• Biographia Victoris Žirmunskij in situ interretiali Instituti investigationum linguisticarum Academiae Scientiarum Russicae (Russice)
• Pagina de Victore Žirmunskij in situ interretiali Universitatis Saratoviensis (cuius professor extraordinarius annis ab 1917 ad 1921 fuit) (Russice)