Vicipaedia:Nuntii

Nuntii

15 Ianuarii: Vicipaedia, anno 2001 a Iacobo Wales et Laurentio Sanger condita, annum vicesimum quintum celebrat.
6 Ianuarii: Leo papa XIV Iubilaeum anni 2025 claudit.
3 Ianuarii: Nicolaus Maduro Venetiolae praeses a militibus Civitatum Foederatarum raptus est, Caracae multis ictibus affliguntur.

28 Novembris: Leo XIV papa in loco concilii Nicaeni Bartholomaeum patriarcham convenit et admonet, ut dissensiones superarentur.

Incendium domorum altarum in Hogkongi vico Taipo

26 Novembris: Hongcongi incendium complurum domorum praealtarum in Hongcongi vico Taipo exardescit. Saltem 123 homines necantur.

31 Octobris: Basilica Sanctae Familiae Barcinonensis nunc altissima ecclesiarum Christianarum est, 162,9 m habens et ecclesia cathedrali Ulmensi altior; sed aedificatio nondum perfecta est.
28 Octobris: Melissa, unum e fortissimis hurracanis umquam in oceano Atlantico observatis, Iamaicam insulam aggreditur.

Diadema Mariae Amaliae reginae e Lupara raptum

19 Octobris: Quattuor homines paucis minutis octo pretiosissima ornamenta regalia et imperialia gemmis completa e museo Luparensi rapiunt.
10 Octobris: Mariae Corinae Machado praemium Nobelianum pacis attribuitur.

Gaza urbs

9 Octobris: Factio Hamasia finem belli annuntiat.
30 Iulii: Terrae motus magnitudinis 8.8 litora Camtschatcae et insularum Curilensium concutit; portus Urbis Curilensis Borealis (Severo-Kuril'sk) megacymate devastatur. Mense Augusto ineunte post terrae motum mons Fontinalis et mons Krascheninnikovii erumpunt.
22 Iunii: Civitates Foederatae Americae iussu praesidis Donaldi Trump in Irania officinas uranii subterraneas telis bombisque explosivis devastant.
15 Maii: Grex septem civitatum (G 7) in Canada convenit.
13 Maii: Israel Iraniam ex aëre late aggreditur, quo bellum inter has civitates incipit.
12 Maii: Amedebati in India aeroplanum vix profectum in domos cadit et plus quam ducentos homines necat.