Vicipaedia:Nuntii

Nuntii[fontem recensere]

Praeses Iosephus Biden iusiurandum muneris loquens

20 Ianuarii: Iosephus Biden Donaldo Trump in munere praesidis Civitatum Foederatarum Americae successit et in Domum Albam immigravit.
6 Ianuarii: Capitolium Civitatum Foederatarum a sectatoribus praesidis abituri Donaldi Trump oppugnatum est, dum illic congressus succedentem praesidem Iosephum Biden confirmavit. Quinque homines necati vel mortui sunt.
29 Decembris: Terrae motus magnitudinis 6.4 (in scala Richterana) Croatiam percussit. Fuit fortissimus motus usquam in Croatia notus. Epicentrum prope oppidum Petriniam erat. Postridie septem homines necati numerati sunt.

2 Decembris: Valerius Giscard d'Estaing, pristinus praeses Rei Publicae Franciae, Covid-19 affectus Authonae mortuus est.
9 Novembris: Numerus morbo COVID-19 probatorum infectorum 50 000 000 superavit. 1 250 000 eo morbo mortui sunt.

7 Novembris: Iosephus Biden praeses CFA (contra Donaldum Trump) electus est.
7 Novembris: Cyclon Eta inter civitates Nicaraguam et Guatemalam 207 homines necavit.
2 Novembris: Viennae prope synagogam quattuor homines a iuvene muslimo ibidem nato armis igniferis necati et alii viginti duo laesi sunt.
1 Novembris: Fortissimus typhon marinus "Goni" plures insulas Philippinas necnon Manilam, caput earum, vastavit. Velocitas venti 320 km/h assecuta est.

</noinclude>

Oportet nuntios unum vel duos recentissimos semper in formulam Vicipaedia:Pagina prima/Nuntii inserere: qui in pagina prima videbuntur.

Oportet nuntios etiam in paginam anni (e. g. in paginam 2021) inserere.