Jump to content

Veni Creator Spiritus

E Vicipaedia
Spiritus sanctus descendit super Mariam, matrem Iesu, Apostolosque die Pentecoste: imago minio? picta ex Les Très Riches Heures du duc de Berry
Hymnus cantatur (30 secundas)

Veni Creator Spiritus nomen est hymnus et prex, quae auxilium spiritus sancti rogat et Pentecostem celebrat. Hic hymnus a cardinalibus, qui in conclave intrant, cantatur.

Oratio Rabano Mauro attribuitur.

Textus hymni

[recensere | fontem recensere]

Textus originalis

Veni Creator Spiritus,
Mentes tuorum visita,
Imple superna gratia,
Quae tu creasti pectora.

Qui Paraclitus diceris,
Donum Dei altissimi
Fons vivus, ignis, caritas,
Et spiritalis unctio.

Tu septiformis munere,
Dexterae Dei tu digitus,
Tu rite promissum Patris,
Sermone ditans guttura.

Accende lumen sensibus:
Infunde amorem cordibus:
Infirma nostri corporis
Virtute firmans perpeti.

Hostem repellas longius,
Pacemque dones protinus:
Ductore sic te praevio,
Vitemus omne noxium.

Per te sciamus da Patrem,
Noscamus atque Filium;
Te utriusque Spiritum
Credamus omni tempore.

Gloria Patri Domino,
Natoque qui a mortuis
Surrexit, ac Paraclito,
In saeculorum saecula. Amen.         

Revisio anni 1632

Veni Creator Spiritus,
Mentes tuorum visita,
Imple superna gratia,
Quae tu creasti pectora.

Qui diceris Paraclitus,
Altissimi donum Dei,
Fons vivus, ignis, caritas,
Et spiritalis unctio.

Tu septiformis munere,
Digitus Paternae dexterae,
Tu rite promissum Patris,
Sermone ditans guttura.

Accende lumen sensibus:
Infunde amorem cordibus:
Infirma nostri corporis
Virtute firmans perpeti.

Hostem repellas longius,
Pacemque dones protinus:
Ductore sic te praevio,
Vitemus omne noxium.

Per te sciamus da Patrem,
Noscamus atque Filium;
Teque utriusque Spiritum
Credamus omni tempore.

Deo Patri sit gloria,
Et Filio qui a mortuis
Surrexit, ac Paraclito,
In saeculorum saecula. Amen.

In musica

[recensere | fontem recensere]

Nexus externus

[recensere | fontem recensere]
Receptum de "https://la.wikipedia.org/w/index.php?title=Veni_Creator_Spiritus&oldid=3932568"