Vas

Vās (-āsis, n.; gen. pl. -āsōrum; dat. et abl. pl. -āsīs) est flasca^(en) aperta, quae ex variis materiis fieri potest, e.g. e materie fictili, vel e vitro, vel e metallis qui robiginare nequeunt velut aluminio, cupro, aere, et chalybe incorruptibili^(en). Etiam lignum adhibetur ad vasa fabricanda, sive ex arboribus quae putredini^(en) naturaliter resistunt, e.g. tectona^(en), sive quoddam tegmen protectivum ligno communi aut plasticae perhibendo. Vasa saepe ornantur. Eorum magnitudines sunt variae.

Plerisque vasīs est forma similis: basis potest esse bulbosa aut plana aut carinata^(fr); nonnullis vasīs sunt quidam humerus, ubi corpus introrsum curvat; quoddam collum, quod altitudinem auget; atque quoddam labrum, ubi summum vas rursus dilatatur. Aliqua vasa etiam instructa sunt manubriis. Amphora est genus perclarum vasis, Graecā origine, ad merces servandas adhibitum.