Tyrtarion

E Vicipaedia
Jump to navigation Jump to search

Tyrtarion est grex concinentium qui, in academia Vivarii Novi consociati duce Eusebio Arone Toth, carmina monumentaque litterarum antiquiorum modis musicis illustrant salsis ac iucundis.

De nomine[recensere | fontem recensere]

Fictum est nomen Tyrtarionis anno 2010 e nominum copula quae sunt Tyrtaeus et Arion, duobus nempe notissimis antiquitatis poetis, cum instituissent cantores in conventu qui Monumenta Viaeque inscriptus est carmina quae inde iam ab anno 2009 paraverant pro virili parte canere.

De scopo[recensere | fontem recensere]

Praeter oblectamentum quod sibi hominibusque aliis cantu excitare cupiunt, scopus eis est modum indicare quo legantur carmina, meliorem quam illum ubique terrarum nunc usurpatum quo secantur atque disiunguntur verba, versusque sensum et vim suam amittunt. Nam illa scansio quae dicitur, cui praestitutum est ut ictus in longas syllabas elabantur non est mos ut plerique putant antiquus, sed a scholasticis prorsus eo consilio mente fictus ut discipuli qui discrimen inter longas brevesque syllabas audire non iam valerent, rationem qua pangantur versus latini et graeci nihilosetius intelligerent. Arte vero musica verba longitudinibus adhibitis[1] recitare licet et ictibus proprio loco servatis. Harmonia insuper nonnihil addit suavitatis qua carmina vel pulchriora plerumque auribus redduntur, eorumque in animum vis augetur.

De consilio[recensere | fontem recensere]

Neque metam hanc sibi finxerunt ipsi, sed secuti prorsus Humanistarum exemplum atque consilium. Etenim aetate illa renascentium artium multi litterati homines ceterum artem musicam experti, cum modos ab ipsis poetis eorumve contemporaneis compositos amissos esse neque iam rursus inveniri posse pro certo scirent, antiqua carmina modis musicis qui tunc temporis in pretio habebantur actuose ornare sibi iam persuaserant. Quod, inter alios, Conradus Celtis, Petrus Tritonius, et Iohannes Honterus saeculis quinto decimo et sexto decimo fecerunt.

De carminibus hactenus tractatis[recensere | fontem recensere]

Ecce carminum index ab eis hactenus cantatorum, quorum alia in conventus sede retiali cn.? Monumenta Viaeque,[2] alia vero in youtube[3] imaginibus etiam ornata inveniri possunt. Index editus est in Vivarii Novi commentariis qui Mercurius inscribuntur.[4]

# Youtube MP3 Carminum nomina Descriptio
1 Youtube MP3 "Lugete, o Veneres" (Catulli III carmen; cons criptum versibus hendecasyllabis).
2 Youtube MP3 "Vivamus, mea Lesbia" (Catulli V carmen; conscriptum versibus hendecasyllabis).
3 Youtube Ad Sirmionem paeninsulam (Catulli XXXI carmen; conscriptum versibus choliambis).
4 Youtube Hymnus Dianae (Catulli XXXIV carmen; conscriptum versibus Glyconeis).
5 MP3 "Ille mi par" (Catulli LI carmen conscriptum strophis Sapphicis).
6 "Φαίνεταί μοι" (Sapphus XXXI fragmentum; conscriptum strophis Sapphicis).
7 Youtube Ad Thaliarchum (Horatii IX carmen libri I; conscriptum strophis Alcaicis).
8 "Integer vitae" / Ad Fuscum (Horatii XXII carmen libri I; conscriptum strophis Sapphicis).
9 "Quis desiderio"/ Ad Vergilium (Horatii XXIV carmen libri I; conscriptum strophis Asclepiadeis huiuque nominis primis).
10 "Aequam memento" / Ad Dellium (Horatii III carmen libri II; conscriptum strophis Alcaicis.
11 Youtube "Rectius vives" / Ad Licinium (Horatii X carmen libri II; conscriptum strophis Sapphicis).
12 Youtube Altercatio cum Lydia (Horatii IX carmen libri III; conscriptum strophis Asclepiadeis, huiusque nominis tertiis).
13 "Diffugere nives" / Ad Torquatum (Horatii VII carmen libri IV; conscriptum strophis Archilochiis, huiusque nominis primis).
14 Youtube "Est mihi nonum" / Ad Phyllidem (Horatii XI carmen libri IV; conscriptum strophis Sapphicis).
15 Youtube "Cum subit illius" (Ovidii III carmen e I libro Tristium; versus 1-24, qui sunt disticha elegiaca).
16 "Tityre tu patulae recubans..." (Vergilii fragmentum ex I ecloga, versus 1-5, qui sunt hexametri).
17 "Nerine Galatea" (Vergilii fragmentum ex VII ecloga, versus 38-41, qui sunt hexametri).
18 Invocatio Veneris (Lucretii fragmentum ex I libro operis, quod De rerum natura tractat, versus 1-9; qui sunt hexametri).

Quidam musici[recensere | fontem recensere]

Maximam vim in gregem habent vel habuerunt:

  • Eusebius Toth Hungarus: componit; regit; tibia atque voce canit.
  • Alexander Feye Belga: componit; regit; fidibus canit.
  • Philippus Marins Brasilianus: componit; cithara canit.
  • Georgius Shakhov Rutenus: componit; cithara, tympano atque voce canit.

Notulae[recensere | fontem recensere]

Nexus externi[recensere | fontem recensere]


Bullet blue.png De hac re nexus intervici usque adhuc absunt. Adde, si reppereris.