Turholt

E Vicipaedia
Jump to navigation Jump to search
Insigne urbis Turholt

Turholt[1] (Flandrice: Torhout, Francogallice: Thourout) est municipium provinciae Flandriae Occidentalis in Belgia 19 755 incolarum.

Visu digna[recensere | fontem recensere]

Castellum Wijnendale et silva Wijnendale, prope mediam urbem: Ibi anno 1482 Maria ducissa Burgundiae 25 annos nata paucos dies post, quam in silva Wijnendale in venatu de equo lapsa graviter est laesa, aborto mortua est.

Historia[recensere | fontem recensere]

De Turholt[2] prima mentio fit saeculo septimo medio in Vita Bavonis, ubi narratur eremitam Bavonem morientem sacerdotem nomine Domlinum de monasterio Turholtensi petivisse, qui vastae solitudinis densorum lignorum saltus inter monasterium et cellam eremitae (prope Gandavum sitam) transgressus esset.

Ludovico Pio regnante monasterium Anschario, archiepiscopo Hamburgensi, translatum est, ut esset fundamentum missionis in Scandinavia[3]. Rimbertus, Anscharii discipulus et biographus, ibi eruditus est.

Post divisionem imperii Veroduni anno 843 pactam archidioecesis Hamburgensis monasterium Turholtensem amisit, quod ad quendam Raginarium[4], postea in manus comitum Flandriae pervenit.

Effossionibus mense Januarii 2010 factis reliquiae aedificiorum Romanorum inventae sunt[5].

Notae[recensere | fontem recensere]

  1. Fons nominis: Vita Anskarii cap. 15 et al.
  2. Charles Mériaux: Gallia irradiata: saints et sanctuaires dans le nord de la Gaule du haut Moyen Âge, Stuttgardiae 2006, p. 332, ISBN 3-515-08353-7
  3. Vita Anskarii, cap. 36: Eo quoque tempore quando cellam praedictam Turholt habuerat, quoniam omnis ei cura de vocatione gentium erat, ut eis in sua legatione prodesse potuisset, nonnullos pueros ex Nordmannis vel Slavis emptos in eadem cella causa discendi ad sacram militiam nutriendos posuerat.
  4. Vita Anskarii, cap. 21: Nam cum cella supradicta Turholt in partem cessisset venerandi regis Karoli, ipse eam a servitio, quod pater suus disposuerat, amovit et vobis bene cognito dedit Raginario.
  5. Torhout is vierhonderd jaar ouder dan gedacht, nieuwsblad.be, 12-01-2010
Terra Haec stipula ad urbem spectat. Amplifica, si potes!