Turinghemium

E Vicipaedia
(Redirectum de Turckheim)
Turckheim: porta inferior
Turckheim: communis tabula

Thuringhemium[1] vel Turinghemium (Francice Turckheim, Germanice Türkheim) est commune Francicum 3'820 incolarum (anno 2020) praefecturae Rheni Superioris et ab anno 2021 Communitatis Europaeae Alsatiae in regione orientali olim Alsatia et a die 1 Ianuarii 2016 Alsatia Campania Arduenna et Lotharingia et nunc ex plebiscito Grand Est vocata.

Historica[recensere | fontem recensere]

Incolae sunt Turinghemiani[2] Anno 1354 ad res suas tuendas urbs imperialis libera Thuringhemiana in foedus decapolim dictum cum novem aliis Alsatiae urbibus ingressa est. Die 5 ianuarii 1675 Thuringhemiano proelio marescalcus Francicus Turenne exercitum Imperii Germanici ab Electore Magno ductum vicit. Ita Noviomagense pactum (1679) Francorum dicionem in Alsatia confirmavit sed Turinghemiani, qui pro Imperatore steterant, direpti et atrociter necati sunt. Parochus in baptizatorum regesto scribebatː "eo paulatim res et miseria excrevit ut sequeretur liberrima omnimoda ad 14 et plures dies spoliatio per totam civitatem, ut Ecclesiae quidem non parceretur"[3]. Anno 1679 decapolis dissoluta est.

Notae[recensere | fontem recensere]

  1. In regestis parochialibus passim (hic exempli gratia prima linea[nexus deficit]).
  2. Sic in regestis parochialibus. Turingheim nomen vetus oppidi erat.
  3. Prima pagina eiusdem regesti de priore regesto legiturː censetur concrematus a militibus in generali illa loci huius omnimoda spoliatione anno 1675 ad ingressum Ianuarii. [1]

Nexus interni

Nexus externi[recensere | fontem recensere]

Vicimedia Communia plura habent quae ad Turckheim spectant.
Situs geographici et historici: Locus: 48°5′11″N 7°16′50″E • OpenStreetMap • GeoNames • "68338" apud INSEE

Haec stipula ad geographiam spectat. Amplifica, si potes!