Turcestania

Turcestania^[1] vel Turkestania^[2] (a Persico ترکستان‎, Torkestân, 'terra Turcorum') est nomen regionis historicae in Asiae orientalis parte media. Primo Persae sic terram nominabant, quae ad boreorientem a Persia sita erat quamque gentes Turcicae incolebant. Ut fines latiores indicemus, Turcestania regio a mari Caspio et Uralibus australibus ad montes Altaicas et Sinas et a Siberia ad Persiam et Afganiam. Pars huius maior est haec, quae nunc Asia Media sensu strictiore nuncupatur, cum Kazachstania australi, Chirgisia, Uzbecia et Turcomannia; sed et Uiguristania haud raro 'Turcestania Sinensis' et 'Turcestania Orientalis' appellabatur, et nomen Turcestaniae Afganicae invenitur, id est Afganiae partis septentrionalis a Paropamiso ad Margum fluvium.

In Imperio Russico Asiae Mediae magna pars in territorium Turcestanicum coniuncta erat. In id tres regiones inclusae sunt, Iaxartensis, Maracandensis et Ferganensis; sed Turcestania sensu latiore et regionem Caspiam, et Septenpalatiensem, atque chanatus Chivensem et Bocharensem continebat. Post res novas Octobres "Res publica Sovietica Socialistica Turcestaniae" usque ad annum 1924 exsistebat.

Notae

Nexus externi

Situs geographici et historici: Locus: 39°21′57″N 67°57′20″E • Store norske Lexikon • Treccani • Большая российская энциклопедия

Turcestania in Lexico encyclopaedico Brockhaus et Efron (Russice)

[1] Commentarii Academiae Scientiarum Imperialis Petropolitanae,, vol. I, Petropoli 1728, p. 443; Ioannes Hottingerus^(de), Historia ecclesiastica Novi Testamenti, vol. 4, Tiguri 1657, p. 741.

[2] E.g. N.V.Pavlov Specierum et varietatum novarum generis Calligoni Florae Rossicae descriptiones, p. 144

[1]

[2]