The Lord of the Rings

E Vicipaedia
Salire ad: navigationem, quaerere
"Tres Anuli Alforum Regibus sub caelo fulgente,
Septem Nanorum Dominis in arcibus ex petra,
Novem Mortalibus Hominibus quibus fatum est adveniens,
Unus Atro Domino in regia sua taëtra,
In Mordoris Terra, umbra descendente.
Unus Anulus ad omnes dominandos, unus ad reperiendos,
Unus ad omnes tenebris inferendos ibique vinciendos,
In Mordoris Terra, umbra descendente."

The Lord of the Rings[1] (Latine 'Dominus Anulorum') est fabula in sex libris Anglice ab Iohanne Ronaldo Reuel Tolkien scripta annoque 1954 ab Allen & Unwin edita. Ex tribus partibus constat: The Fellowship of the Ring, The Two Towers, The Return of the King.

Tolkien etiam linguas Quenyam et Sindarin, linguas alforum, invenit.

Petrus Jackson fabulam annis 2001, 2002, et 2003 in pelliculas convertit: Dominus Anulorum (series pellicularum).

De Domini Anulorum fabula[recensere | fontem recensere]

Domini Anulorum fabula est de Anulo, quem Sauron, Dominus Ater, confecit, ut omnes populos Terrae Mediae subigeret. Anulo deleto simul morietur Dominus Ater, cuius potestas in anulo nitatur. Qua de causa Anulus perdendus est, quod tantum in flammis Montis Fati fieri potest. Comites igitur novem Mago Gandalfe duce in Mordorem, quibus in finibus Dominus Ater imperat, iter faciunt, ut Frodo, quem Anuli portatorem creaverunt, officio Anuli flammis montis perdendi fungi possit.

Inscriptio Anuli Unius.

Illi anulo, qui Anulus Unus vocatur, inscriptum est:

Ash nazg durbatulûk, ash nazg gimbatul,
ash nazg thrakatulûk, agh burzum-ishi krimpatul.

Haec est inscriptio Anuli, quae ex Lingua Atra Mordoris, quam Sauron finxit, in Linguam Latinam conversa significat:

Unus anulus ad omnes dominandos, unus ad reperiendos
Unus ad omnes tenebris inferendos ibique vinciendos
(In Mordoris Terra, umbra descendente)*
  • Versus postremus crebro adici solet, sed Anulo Uni non inscriptus est.

Liber I[recensere | fontem recensere]

Hobbit Frodo Baggins, cum amicis suis Samwise Gamgee, Meriadoc Brandybuck, et Peregrin Took, portat Anulum Unum de Suzate per Bree-terra ad Karningulem. In taberna Breeis hobbites conveniunt Aragornem hominem, qui eos ducit Karningulem. Nazgûl servi Sauronis eos persequuntur.

Liber II[recensere | fontem recensere]

Hobbites in Karningule advenerunt. Elrond dominus Karningulis Frodonem sanat. In concilio Elrondis Comitatus Anuli creatur: hobbites Frodo Baggins, Samwise Gamgee, Meriadoc Brandybuck, et Peregrin Took, Gandalf magus, Legolas alfus, Gimli nanus, et homines Aragorn et Boromir.

Comitatus it ad terras australes, et transit Montes Nebulosos. In Lothlóriene acquiescit, et deinde currit australis fluvio Anduine. Iuxta partes boreales regnorum Gondor et Rohan Comitatus separatur.

Liber III[recensere | fontem recensere]

Regnum humanum Rohan pugnat adversus magum Sarumanum.

Liber IV[recensere | fontem recensere]

Frodo et Sam eunt ad Mordorem cum ducuntur ab Gollume.

Liber V[recensere | fontem recensere]

Bellum Anuli. Sauron invadit Gondorem et obsidet Minas Tirithem.

Exercitus Gondoris et Rohanis pugnant adversus exercitus Sauronis in Proelio Pelennoris. Denethor praefectus Gondoris fit insanus et se caedit. Théoden Rex Rohanis necatur. Éowyn Rohanis et Meriadoc Brandybuck Suzatis necant Rex-mago Angmaris. Exercitus Gondoris et Rohanis vincunt.

Liber VI[recensere | fontem recensere]

Exercitus Hominum Gondoris et Rohanis pugnat adversus exercitus Sauronis in Proelio Portae Atrae. Anulus Unus deletur in Monte Fati et Sauron moritur. Exercitus Hominum vincunt.

Aragorn nominatur Rex Arnoris et Gondoris et Arweni filia Elrondis nubit. Eomer Rex Rohanis fit. Eowyn nubit Faramir, dominus et domina Ithilienis fiunt. Hobbites reveniunt ad Suzatem. Duo anni post Bellum Anuli Frodo et Bilbo eunt ad Amanem cum Elronde, Galadriele, et Gandalfe.

Personae[recensere | fontem recensere]

Comitatus Anuli:

Alii:

Vide etiam[recensere | fontem recensere]

Notae[recensere | fontem recensere]

  1. Exstat re vera conversio Latina ex parte facta, quae titulo Dominus Anulorum utitur, quaeque hoc in situ interretiali inveniri potest: eldalie.ch .: Dominus Anulorum :. apud www.eldalie.ch.

Nexus externi[recensere | fontem recensere]