Jump to content

Telephus

E Vicipaedia
Vide etiam paginam discretivam: Telephus (discretiva).
Hercules cum Telepho infante

Telephus (Graece Τήλεφος "late fulgens") in mythologia Graeca fuit filius Herculis et Augae, Tegeensis regis filiae. Nonnullas urbes Graecas condidit. Eius fabula argumentum Euripidei dramatis fuit[1], cuius prologus tantum exstat. Tragoedias de eadem re hodie deperditas scripserunt Aeschylus, Sophocles, Ennius, Accius. Nam Telephus rex Mysiorum factus cum Achaeos fines suos invadentes repelleret hasta Achillis vulneratus est. Cum nisi per eandem hastam vulnus sanari non posse comperisset, Achaeos Troianum bellum parantes adiit et Orestem infantem, Agamemnonis filium, obsidem ex incunabulis rapuit ut telum quo sanaretur sibi daretur. Sanatus cum Achaeis Troiam oppugnare noluit quia Laodicen, Priami filiam, uxorem duxerat.

  1. Claudia Preiser, Euripides : Telephos. Einleitung, Text, Kommentar, Hildesheim, 2000 Recensio critica

Nexus interni

Nexus interni

Haec stipula ad mythologiam spectat. Amplifica, si potes!