Terra Francisci Iosephi

Latinitas nondum censa
E Vicipaedia
Terrae Francisci Iosephi tabula

Terra Francisci Iosephi[1] (Russice Земля Франца-Иосифа, tr. Zemlja Franca-Iosifa) est archipelagus in marι Barentsianο Oceani Arctici, in septentrione Europae, 192 insulas cum area communi 16 134 km² habens. Nunc pars terrarum arcticarum Russiae est, ad regionem Archangelopolitanam pertinens.

Iulius Payer, expeditionis Austriacae dux

Exploratio[recensere | fontem recensere]

Ab Expeditione Austro-Hungarica ad Polum Septentrionalem anno 1873 casu inventus, ex imperatore Francisco Iosepho I nominatus est. Ab expeditione Stephani Makarov explorabatur anno 1901.

Ursa maritima cum prole in monte glaciali prope ad Terram Francisci Iosephi

Archipelagus[recensere | fontem recensere]

Insulae archipelagi 192 in tres partes divisae sunt. Pars orientalis freto Austriaco separata, duas habet insulas maiores; haec sunt insula Wilczekii[2] et insula Graham Bell. Extremitatem archipelagi orientalem mare Karense attingit.

Promunturium Fligely, Eurasiae terra maxime septentrionalis

Pars media maxima plurimas insulas habet, quarum insula Hall maxima est. Hic et insula Rudolphii[3] iacet, ubi prope ad promunturium Fligely Eurasiae punctum maxime septentrionale situm est.

Pars occidentalis a canali Britannico separata duas habet insulas maiores, Terram Georgii[4] et Terram Alexandrae[5].

Natura[recensere | fontem recensere]

Glaciaria et desertum Arcticum insulas operiunt. Incolae, nisi exploratores in stationibus Arcticis, absunt. Ursi maritimi et Odobaeni rosmari plurimi circa insulas gignuntur.

Notae[recensere | fontem recensere]

  1. ↑ "De Svalbard, terra Francisci Josephi et regionibus arcticis Russicis" (in: Bibliographia Oceanographica, volumina 10–11, 1937.
  2. ↑ Norae Zabinkovae et Moysis Kirpicznikov Nomina physico-geographica principalia URSS s.v. Земля Вильчека.
  3. ↑ Norae Zabinkovae et Moysis Kirpicznikov Nomina physico-geographica principalia URSS s.v. Рудольфа, о-в.
  4. ↑ Norae Zabinkovae et Moysis Kirpicznikov Nomina physico-geographica principalia URSS s.v. Земля Георга.
  5. ↑ Norae Zabinkovae et Moysis Kirpicznikov Nomina physico-geographica principalia URSS s.v. Земля Александры.

Nexus externi[recensere | fontem recensere]

Situs geographici et historici: Locus: 80°34′0″N 54°47′0″E • GeoNames • Store norske Lexikon • Большая российская энциклопедия
Vicimedia Communia plura habent quae ad terram Francisci Iosephi spectant.

Haec stipula ad geographiam spectat. Amplifica, si potes!


Receptum de "https://la.wikipedia.org/w/index.php?title=Terra_Francisci_Iosephi&oldid=3733438"