Marisus
Marisus[1] (Dacoromanice: Mureş, Theodisce: Mieresch, Marosch, Hungarice: Maros) est flumen in Romania et Hungaria.
Primarius hic Transsilvaniae fluvius in Hargitensi comitatu in montibus Giurgeu (Gyergyó) ex Carpatium occidentalium latere profluit labiturque ab oriente ad meridio-occidentem, Marosiensem comitatum transiens Novum Forum Siculorum affluit, porro sinistra fluvium Aranyensem[2], dextra fluvium Kukoliensem[3] accipit, prope Aradinum planitiem attingit, ubi se paludibus formandis diffundit, et post 761 km decursum prope Szegedinum in Tisiam influit.
In Romania area, ex qua aqua affluit, 27.832 km² est. Saeculis praeteritis Marisus magni momenti erat ad salem portandum, per quod flumen sal e Tordensibus puteis erutus Szegedinum devehebatur, unde per Hungariam ac Serbiam distrahabatur.
Oppida ad Marisum flumen sita[recensere | fontem recensere]
- Egidiopolis
- Alba Iulia
- Aradinum
- Cenadium
- Germisana
- Lipova
- Luduş (Hungarice: Marosludas, Theodisce: Ludasch)
- Makó (Theodisce: Makowa, Dacoromanice: Macǎu, Lingua Iudaeogermanica: מאַקאָוו)
- Nădlac (Hungarice: Nagylak, Theodisce et Slovacice: Nadlak, Croatice sive Serbice: Nadlak/Haдлак)
- Novum Forum Siculorum
- Regna
- Salinae (Transsilvania)
- Sargetia
- Topliţa (Hungarice: Maroshévíz, Theodisce: Töplitz)
Notae[recensere | fontem recensere]
- ↑ alia nomina Latina: Marus, Marysus, Mariscus, Meriscus, Marisia, cf. J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3 et József Benkő: Transsilvania sive Magnus Transsilvaniae principatus ..., pars 1, p. 62
- ↑ cf. J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3 et József Benkő: Transsilvania sive Magnus Transsilvaniae principatus ..., pars 1, p. 62 – Dacoromanice: Arieş
- ↑ cf. J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3 - Dacoromanice: Târnava