Hyacintha Ardern
Hyacintha Ardern.jpg)
Patria: Nova Zelandia
Nomen nativum: Jacinda Kate Laurell Ardern
Familia
Coniunx: Clarke Gayford
Proles: Neve Te Aroha Ardern Gayford
Hyacintha Ardern, vulgo plene Jacinda Kate Laurell Ardern (Hamilton in urbe nata die 26 Iulii 1980) est politica Novae Zelandiae.
De vita[recensere | fontem recensere]
Murrinsville et Murupara in oppidis erudita, ubi pater vigil merebat, Hyacintha Ardern communicationi politicae et mercatoriae studuit apud universitatem Waikatoënsem. Etiam iuvenis consiliaria politica fuit in Nova Zelandia, deinde in Anglia iuxta Antonium Blair. In patriam redita legata parlamento a die 8 Novembris 2008 sine circulo, a die 8 Martii 2017 pro circulo Mount Albert fuit. Dux vicaria factionis laboris a mense Martio eiusdem anni, dux autem a mense Augusto est, antecessore Andrea Little. Comitiis die 23 Septembris 2017 habitis, factione nationali successum haud malum reportante sed sine victoria, factio laboris cum factione Novae Zelandiae imprimis coalitionem ad regimen nanciscendum confecit, die 26 Octobris 2017 prima ministra Hyacintha Ardern, ministro a rebus externis Winston Peters.
Et matrimonium aequum et abortum defendet.
Bibliographia[recensere | fontem recensere]
- "Who is New Zealand's new prime minister? A profile of Jacinda Ardern" in The Guardian (19 Octobris 2017)
- Charlotte Graham, "Jacinda Ardern, New Zealand’s Sudden Star, Gets Set to Govern" in New York Times (20 Octobris 2017)
- Charlotte Graham-McLay, "Jacinda Ardern marries Clarke Gayford after five-year engagement" in The Guardian (13 Ianuarii 2024)
Nexus externi[recensere | fontem recensere]
|
Vicimedia Communia plura habent quae ad Hyacintham Ardern spectant. |
- Vita apud parlamentum Novozelandicum
