Eques aeneus

Haec pagina de monumento Petropolitano explicat. Si poema Alexandri Puschkin quaeris, vide Eques aeneus (poema).

Eques aeneus, a tergo visus vespere

Eques aeneus est statua Petri I in Petropoli, a Stephano Falconet facta annoque 1782 posita. Nominari eques aeneus post poema Alexandri Puškin solet, in quo carmine post inundationem Petrus aeneus vivificatur et per vias Petropolis equitat. Eodem modo et in Petropoli Andreae Belyj eques inductus est.

Petrus a Falconetio sculptus est in corona laurea victoris; super saxum quoddam invectus est et equi cursum tam acriter comprimit, ut equus se efferat; dextram imperator tollit, sicut oratione populum vel exercitum hortaturus. Pes equi anguem proculcat. Saxum graniticum, in quo eques stat, magnis cum laboribus in locum monumenti attractus est; Lapis Tonitrus (Гром-камень) interdum nominabatur. Ante faciem Petri Neva Maior, a dextra ecclesia cathedralis sancti Isaacii, a laeva Senatus Synodique aedificium.

Bibliographia

• Alexander M. Schenker, The Bronze Horseman: Falconet's Monument to Peter the Great, Yale University Press, New Haven CT, 2003 ISBN 0-300-09712-3. (Anglice)
• Transport du piédestal de la statue de Pierre le Grand, in La Nature, 1882. (Francogallice)

Nexus externi

Situs geographici et historici: Locus: 59°56′12″N 30°18′8″E