Ecclesia Orthodoxa

Latinitas inspicienda
E Vicipaedia
Ecclesia orthodoxa Sanctae Trinitatis Constantinopoli sita.

Ecclesia Orthodoxa (Graece ορθός 'rectus' + δόξα 'veneratio sive fides') est secunda a maxima ecclesia Christiana, cuius ab 225 ad 300 milliones assectatorum plerumque Europam Orientalem, Asiam Occidentalem, omnesque Russiae partes habitant, et quae sese continuationem hodiernam ecclesiae a Iesu Christo apostolisque eius conditae habet. Quae ecclesia sese "unam, sanctam, catholicam et apostolicam Ecclesiam" esse docet. Quamquam multae ecclesiae historicae se et catholicas et orthodoxas ducunt, in usu cottidiano ecclesia occidentalis catholica, ecclesia orientalis orthodoxa appellatur. Etiam ecclesias orthodoxas orientales quae post Concilium Chalcedonense (anno 451) ab ecclesia Imperii Romani et occidentalis separatae sunt, distinguere oportet.

Ecclesia Orthodoxa ritum Byzantinum sequitur. Fidem profitetur Christianam sicut a primis septem Conciliis Oecumenicis praesentatur. Omnis Ecclesia Orthodoxa caput habet in patriarcha qui ecclesiam autocephalam ('sui capitis') gubernat, recentibus saeculis generaliter suae civitatis. Saepe communionem inter se habent. Patriarcha Oecumenicus Constantinopolitanus primatum honoris inter orthodoxos habet.

In theologia, paulum differunt ab Ecclesia Catholica Romana, sed ministerium papale punctum est divisionis. Separatae sunt ab ecclesia Catholica schismate, quod anno 1054 solidificabatur?, Leone Papa IX regnante, et a variis luctationibus praeteritis theologicis, sicut illo de locutione filioque in Credo, et culturae, sicut discrimen inter linguas Graecam et Latinam.

Orthodoxi intellegunt se esse

  • qui sint subsequentes primae communitatis Christianae, conditae ab Iesu Christo et duodecim Apostolis, infractum vinculum conservantes inter clericos et Apostolos per successionem Apostolicam.
  • ecclesiam in qua quam firme serventur traditiones priscae ecclesiae.
  • ecclesiam quae rectissime sequatur regulas primorum septem oecumenicorum conciliorum, conventorum inter saecula 4 et 8.

Index Ecclesiarum Orthodoxarum[recensere | fontem recensere]

Crux trium transtrorum populo in Russia, Ucraina, et Ruthenia Alba gratissima, sed per mundum orthodoxiae orientalis communis, in prima Ecclesia Byzantina saeculi quarti orta est.

Quattuor (ex quinque) patriarchatus antiqui[recensere | fontem recensere]

Patriarchatus post vel extra Imperium Romanum Orientale[recensere | fontem recensere]

Aliae ecclesiae autocephalae[recensere | fontem recensere]

Ecclesiae autonomae (aliae ecclesiae in capite eligendo partim subiectae)[recensere | fontem recensere]

Ceterae Ecclesiae Orthodoxae alicui ecclesiae autocephalae subiectae sunt.

Nexus interni

Nexus externus[recensere | fontem recensere]

Vicimedia Communia plura habent quae ad Ecclesiam Orthodoxam spectant (Orthodox Church, Eastern Orthodox Church).