Carolus Vincentius Krogmann
Carolus Vincentius (vulgo: Carl Vincent) Krogmann (natus 3 Martii 1889 Hamburgi, mortuus 14 Martii 1978 eodem loco) vir publicus Nazista Theodiscus fuit.
Iuventus et Munus[recensere | fontem recensere]
Krogmann filius familiae naviculariorum et ipse mercator navicularius argentarius dives fuit.
Cursus honorum[recensere | fontem recensere]
Antequam Nazistae Germaniae rerum potiti sunt Krogmann nullius factionis particeps fuit, sed anno 1932 cum aliis maercatoribus et conductoribus a Paulo de Hindenburg praeside Germaniae petivit, ut Adolphum Hitler cancellarium faceret. Itaque 8 Martii 1933 Carolo Kaufmann duce (Theod.: Gauleiter) Hamburgi NSDAP poscente magister civium primus Hamburgi creatus est. 1 Maii sodalis NSDAP factus est. Cum anno 1936 terrae Germaniae libertatem omnino perdidissent, Krogmann nihil nisi magister civium fuit. Quem magistratum ad diem 3 Maii 1945 gessit, cum Britanni Hamburgum expugnarent. An Krogmann in fine belli Hamburgum urbem servavit, ne pugnis absurdis deleretur, saepe disputabatur. Carolo Kaufmann a Britannis in carcerem misso Krogmann ad 11 Maii senatum Hamburgi duxit. Eo die ipse incarceratus est[1].
Post Bellum[recensere | fontem recensere]
Non prius quam anno 1948 libertatem recuperavit, in castris Biliveldae fuit. Tum societatem constructionem duxit, numquam postea rebus politicis studebat.
Notae[recensere | fontem recensere]
- ↑ Hartmut Hohlbein, Hamburg 1945, Kriegsende, Not und Neubeginn, Hamburgi 1985
Opera[recensere | fontem recensere]
- Carolus Vincentius Krogmann: Geliebtes Hamburg. editio Christians, anno 1955.
- Carolus Vincentius Krogmann: Bellevue. editio Christians, 1960 (Editio secunda anno 1963).
- Carolus Vincentius Krogmann: Es ging um Deutschlands Zukunft. editio Druffel, Leoni am Starnberger See anno 1982. - ISBN 3-8061-0741-6
