Carolus Gulielmus Petersen
Carolus Gulielmus (Theod.: Carl Wilhelm) Petersen (natus 31 Ianuarii 1868 Hamburgi, mortuus 6 Novembris 1933 eodem loco) iurisprudens et vir publicus Germanicus factionis DDP fuit. Annis 1924 - 1929 et 1932/33 magister civium superior Hamburgi erat.
Familia[recensere | fontem recensere]
Etiam avus Carolus Fridericus Petersen magister civium superior Hamburgi fuerat. Frater eius iunior Rudolphus Petersen anno 1945/46 eodem magistratu fungebatur. Familia divitissima fuit.
Iuventus et munus[recensere | fontem recensere]
Ipse Carolus Gulielmus testimonium maturitatis Kieliae accepit atque deinde Heidelbergae et Lipsiae iurisprudentiae studebat et anno 1890 doctor promotus est. Tum iuris consultus laboravit.
Cursus honorum[recensere | fontem recensere]
Tempore Imperii Germanici sodalis Factionis Progessivae Liberalis et annis 1899 - 1918 legatus ad Civitatem Hamburegensem erat. Anno 1919, post finem monarchiae cum aliis factionem liberalem novam DDP condidit et eius primus praeses erat. Anno 1919/20 legatus ad Consilium Formae Civitatis Constituendae et annis 1920 - 1924 legatus ad Dietam Imperii Germanici erat et deinde annis 1921 - 1924 atque 1928 - 1933 iterum legatus ad Civitatem Hamburgensem fuit. Die 20 Aprilis anni 1918 sodalis senatus Hamburgi electus est et ad annum 1933 mansit. A die 1 Ianuarii 1924 magister civium superior Hamburgi erat et ad 31 Decembris 1929 mansit. Anno 1930/31 magister civium secundus fuit et tum 1 Ianuarii 1932 iterum primus magister civium electus est. A Nazistis anno 1933 ad magistratum deponendum coactus est. Paulo post mortuus est.
