Artaxerxes II (rex Persarum)
Artaxerxes II (in lingua Persica antiqua Artaxšaçā; Graece Ἀρταξέρξης), qui 'Mnemon' quoque cognominatur, fuit rex Persarum ab anno 404 usque ad 358 a.C.n.. E stirpe Achaemenidarum ortus, Artaxerxes fuit filius Darii II uxorisque eius Parysatidis. Artaxerxes, anno 436 a.C.n. natus, patre mortuo anno 404 regnare coepit.
De seditionibus[recensere | fontem recensere]
Contra seditiones fratris Cyri necnon Thyis regis Paphlagonum et postea contra satraparum coniurationem feliciter pugnavit. Cyrus enim (a mercenariis Graecis inter quos Xenophonte adiutus) proelio ad Cunaxam anno 401 interfectus est; Thys a Datame captus in carcerem missus est; satrapae anno fere 361 a.C.n. debellati sunt. Etiam cum rege Cypri Euagora (391-380 a.C.n.) et Aegyptiorum regibus sibi rebellantibus bellum gessit.
De Graecis rebus[recensere | fontem recensere]
Post bellum Peloponnesiacum feliciter gestum Lacedaemonii Atheniensibus in Graecarum civitatum Asiae patrocinium succedere voluerunt. Inter alios rex Agesilaus II magnam expeditionem in Asiam contra Persas duxit. Tum Artaxerxes multa pecunia data Corinthios, Athenienses, Thebanos contra Lacedaemonios consociavit, quod belli Corinthii initium fuit (394 a.C.n.). Agesilaus in Europam redire coactus est patriae succurrendi causa. Pax sive 'Antalcidae' sive 'Regis' dicta quae Bellum Corinthium anno 387/6 a.C.n. finivit, Artaxerxem rerum Graecarum arbitrum faciebat. Tum enim omnes civitates in Asia positae in Persarum regum dicionem venerunt. Usque ad mortem simili modo[1] Artaxerxes Graecas civitates moderari potuit quod indignabatur Isocrates in Panegyrico[2].
Fontes Graeci antiqui[recensere | fontem recensere]
- Diodorus Siculus, Bibliotheca historica XV,2-4, 8-11 et 90-92
- Isocrates, Euagoras et Panegyricus
- Cornelius Nepos, "Datames"
- Plutarchus, Vita Artaxerxis
- Xenophon, Anabasis sive Expeditio Cyri
Plura legere si cupis[recensere | fontem recensere]
- Carsten Binder, Plutarchs Vita des Artaxerxes : Ein historischer Kommentar, Berolini, 2008 Nonnullae paginae apud Guglum librorum
- Pierre Briant, Histoire de l'empire perse : de Cyrus à Alexandre, Fayard, 1996
- Pierre Debord, L'Asie mineure au IVe siècle (412-323 a.c.) : pouvoirs et jeux politiques, Ausonius, 2019
- Guilelmus Engel, De Evagora eiusque bello contra Artaxerxem II. gesto. part. I, Stargard, 1846
- Jean Hatzfeld, "Agésilas et Artaxerxès II", Bulletin de Correspondance Hellénique, 1946 ː 238-246
- Stephen Ruzicka, Trouble in the west : Egypt and the Persian Empire, 525-332 BCE, Oxonii, 2012 Nonnullae paginae apud Guglum librorum
Notae[recensere | fontem recensere]
Nexus externi[recensere | fontem recensere]
- H. Hunger, R. J. van der Spek, ""An astronomical diary concerning Artaxerxes II (year 42 = 363-2 BC). Military operations in Babylonia" in Arta no. 2 (2006)
- Encyclopaedia Iranicaː Artaxerxes II
| Antecessor: Darius II Nothus |
Rex Persarum 404-358 |
Successor: Artaxerxes III Ochus |