Gandalfus

Gandalf est magus fictivus a J. R. R. Tolkiene creatus. In libro Domino Anulorum, dux est Comitatus Anuli, Exercitusque Occidentis. In eiusdem auctoris libro Hobbit, antea scripto, Bilbo hobbitus anulum quendam invenit in montibus, qui gestorem ipsius invisibilem reddit, et hoc utitur dum ad Montem Solitarium iter facit. Ab initio Domino Anulorum, Gandalf, hunc anulum Unum Anulum esse ducens, Bilboni persuadet ut eum Frodoni donet. Deinceps Frodonem ex patria mittit ne Nazgul, inimicissimi Domini Anulorum servi, anulum inveniant.

Gandalf est Ainu. Ainuana gens est ab Eru Iluvatare (demiurgo) in principio creata. Tertia aetate mundi, Ainur quidam in Mediam Terram missi sunt, Istari nomine, quorum Gandalf fidelissimus habebatur; alia ei nomina aliae gentes dant.

In pelliculis tribus de Domino Anulorum a Petro Jackson directis, Gandalf impersonatus est ab histrione homophylophilo, Ioanne McKellen

Nexus externi

• TolkienGateway: Gandalf