Radulphus Castro

Radulphus Castro, die 15 Ianuarii 2008

Radulphus Castro Ruz (Hispanice: Raúl), natus in vico Cubano Mayarí die 3 Iunii 1931, est Fidelis Castro frater et vir publicus. Die 24 Februarii 2008, quinque diebus postquam Fidelis abdicavit, Radulphus Cubae novus Praeses factus est.

Vita

Ab anno 1959, cum Fidelis Fulgentii Batistae imperium deiceret, Radulphus dominationis Cubae particeps est. Die 31 Iulii 2006, fratre graviter (cancro intestini ut dicitur) aegrotato, Radulphus secundum Civitatis formam eius successor factus est.

Radulphus ut Praeses ad tempus factus incoepit Civitatis aera aliena agricolis solvere, alimentorum pretia amplificare, quae agricolae Civitati offerunt, observanda praecepta in operis loco scribere, omnium gentium communia pacta comprobare.

Die 26 Iulii 2007 in urbe Xantiago fassus est Cubanorum salarium exiguum esse.

Praeside certo Civitatis, die 24 Februarii 2008, incoepit abolere interdicta ineundi in hospitia et acquirendorum artis auxiliorum et telephonorum altero nummo cubano, cui est nomen cuc.

Mensibus prioribus emere domum a Civitate simplex fecit. Annua beneficia amplificavit. Sexus mutationem concessit. Salarii terminos removit. Poenam capitalem intermisit. Die 11 Iulii 2008 Radulphus, ante Potestatis Popularis Nationale Consilium, quem operi intentum esse magis, sibi magis lucrandum esse affirmavit.

Postea Civitatis Consilii decreto terrarum incultarum usumfructum et magistris emeritis ad scholam redire, salariis et annuis beneficiis cumulandis, concessit.

Radulpho Praeside, ab mense Iulio 2006 ad illum Iulii 2008 numerus eorum qui in vinculis sunt propter verbi libertatem descendit ad ducentos undeviginti.

Percussa Cuba procellis Gustav et Ike, diebus Augusti et Septembris 2008, Radulphus suae absentiae causa in locis reprehensus est.

Praeses Cubanus, tamen, factionem communistam adesse putat, non unum hominem. Sic factum est.

Die 16 Decembris 2008 Radulphus, post conventum cum Chavez, Praeside Venetiolae, ivit in Brasilem, ut esset particeps conventui nonnullarum Civitatum Americae Australis, ubi affirmavit Civitatem Cubanam liberaturam esse eos cives Cubanos, qui sunt in vinculis in Cuba propter verbi libertatem, si Obama novus Praeses Civitatum Foederatarum Americae fecisset idem cum quinque civibus Cubanis in vinculis in CFA ob crimina speculatoria in CFA facta, qui in Cuba ut heroes habentur.

Acta diurna informaverunt usque ad diem 1°mensis Augusti 2009 690 milia quaternorum iugerum terrarum distributa esse agricolis.

Kalendis Martii anni 2009 Praeses Raul creavit suam administrationem sine Carolo Lage, segretario Consilii Ministrorum, et Perez Roque, ministro Externorum, qui se abdicaverunt omnibus magistratis Civitatis, factionis, Potestatis Popularis Nationalis Consilii.

Praeses Civitatum Foederatarum Americae, Barak Obama, Idubus Aprilis anni 2009 nuntiavit Cubanos, eos qui vivunt in Civitatibus Foederatis Americae, ituros esse libere et missuros esse pecuniam immodicam ad Cubam.

Hoc Praeses Obama fecit die 3 septembris anni 2009.

Decreto Civitatis Consilii emanata est lex, ob quam cives cubani possunt suam operam dare contractis variis.

Deletis mensis operariis, Civitas Cubana largietur 15 nummos diarios operariis, cum salarium menstruum amplificet.

Haec stipula ad biographiam spectat. Amplifica, si potes!