Germania

Vide etiam paginam discretivam: Germania (discretiva)

Germania, (-ae, f.) seu rectius Germania Res Publica Foederalis (Germanice: Deutschland vel Bundesrepublik Deutschland), est civitas media in Europa. Berolinum est maxima urbs et caput rei publicae. Hodie verbum Germania imprimis regionem quandam significat, in qua temporibus antiquis Germanorum hodiernorum maiores vitam agebant. Propterea sunt qui Germaniam hodiernam "Theotisciam" nuncupare malint.

(Vexillum) (Insigne)
Nationis sententia (Latine reddita): Concordia et ius et libertas ("Einigkeit und Recht und Freiheit", Theodisce)
Lingua publica	Lingua Germanica¹
Caput	Berolinum
Praeses Foederalis	Horatius Koehler
Cancellaria Foederalis	Angela Merkel
Terrae Foederales	Sedecim Respublicae sive terrae foederales
Status rei publicae	Democratia cum concilio legiferorum
Area	175.813,27 saltus
Numerus incolarum	82.532.000 (31 Decembris 2003)
Spissitas incolarum	115,43 incolae pro saltu
Dies qua civitas Germania condita est	18 Ianuarii 1871
Dies qua respublica federalis Germania condita est	23 Maii 1949
Dies qua respublicae Germaniae unificatae sunt	3 Octobris 1990
Moneta	Euro (€)
Circulus temporalis	MEZ (UTC+1h)
Carmen nationis	Carmen Theodiscorum ("Das Lied der Deutschen")
Vehiculorum insigne	D
Interretis abbreviatio	.de
Praefixum telephonicum	+49
¹ Sunt etiam linguae paucorum, quae approbatae sunt: Danica, Sorbica, Frisica et alia
Terrae foederales	Caput
(I) Badenia-Virtembergia (1)	Stutgardia
(II) Bavaria (2)	Monácum
(III) Berolinum (3)	(Berolinum)
(IV) Brandenburgum (4)	Potestampium
(V) Brema (5)	(Brema)
(VI) Hamburgum (6)	(Hamburgum)
(VII) Hassia (7)	Aquae Mattiacae
(VIII) Megapolis et Pomerania Citerior (8)	Schwerinum
(IX) Rhenania Septentrionalis-Guestfalia (10)	Dusseldorpium
(X) Rhenania-Palatinatus (11)	Moguntiacum
(XI) Saxonia (13)	Dresda
(XII) Saxonia-Anhaltinum (14)	Magdeburgum
(XIII) Saxonia Inferior (9)	Hannovera
(XIV) Slesvicum et Holsatia (15)	Kielia
(XV) Saravia (12)	Saravipontus
(XVI) Thuringia (16)	Erfordia

Geographia

Germania ab occidente flumine Rheno, ab oriente autem Viadua et Nisa finitur. Meridiana pars attingit flumen Rhenum, Lacum Bodamicum, montes Alpes. Septentrionali mari nomen est mare Suebicum. Septentrionalis pars Germaniae planis regionibus continetur, reliquae partes montes mediocris altitudinis habent. Longissimi fluvii sunt Rhenus, Danuvius, Albis.

Incolae

Octoginta duo miliones hominum Germaniam incolunt, quorum maior pars sunt Germani. Slavi Sorbi, minor pars, regionem orientalem incolunt. Olim Germani divisi sunt in nationes: Frisii, Dani, Saxones, Francones, Alamanni, Chatti, Thuringi, et Bavari. Hoc tempore autem, eae nationes una in re publica convivunt.

Linguae

Linguae Germaniae sunt Lingua Theodisca sive Germanica, Saxonica, Frisica, Danica, Sorbica, Lingua Bavarica, Lingua Alamannica et Suebica.

Administratio

Germania est res publica foederalis: scilicet sedecim civitatibus constat, quae Terrae appellantur. Quarum tres urbes sunt: Hamburgum urbs libera et Hansae, Brema urbs libera Hansae, Berolinum. Terrae unicuique minister primus, "ministrorum praeses" appellatus, praeest, qui a comitiis terrae eligitur. Curatores terrarum, praesides, et nonnemo ministrorum, in concilio foederali ius suffragii habent.

Vide etiam

Index regionum (Germaniae)

Ratio politica

Conradus Adenauer

Horatius Koehler est praeses foederalis. Praeses est summus Germaniae vir, at vix ullam potestatem habet: personam totius civitatis gerit.
Maximam potentiam Germaniae cancellarius foederalis residens Berolini tenet. Ab anno 1998 ad 2005, Gerhardus Schröder erat cancellarius, qui coalitionem Socialium Democratorum cum Viridibus rexit. Populus creat homines quibus credit ut comitia foederalia forment. Hi homines se plerumque factionibus adiunxerunt. Permagnae factiones sunt Christiana-Democratica Unio et Sociales Democraticae Partes Germaniae; minores sunt Foedus 90/Virides, Factio Democratica Liberalis Germaniae, et Factio Sinistra.

Angela Merkel, cancellaria nova, secundam coalitionem magnam regit.

Vide etiam

• Dieta Foederalis Germaniae

Res gestae

Germania a Friderico Augusto de Kaulbach anno 1914 primordio belli mundani primi picta

Antiquissimis temporibus diversae gentes in Germania vixerunt, quae nobis fontes scriptos non reliquerunt. Romani C. Iulio Caesare duce flumen Rhenum transierunt et alii imperatores regiones Germaniae exploraverunt. Neque totam Germaniam occupaverunt. Limes a regione Confluentium ad regionem Castrorum Reginorum imperium Romanum finivit. Imperio Romano fracto Franci novum imperium condiderunt. Per saecula reges Christiani diversarum gentium Sacrum Imperium Romanum Nationis Germanicae habuerunt. Hoc imperium a Napoleone, Francorum imperatore, deletum et anno 1806 dissolutum est. Tum multi cives unam Germaniam appetebant, sed reges ducesque diu proposito Germaniae in unum redigendae reique publicae liberae condendae obluctati sunt. Anno 1871 sanguine ferroque Imperium Germanicum constitutum est. Postea Imperator Gulielmus Secundus multis nationibus signa intulit. Imperium autem magnam cladem accepit, Imperator abdicavit. Prima res publica democratica Wimarensis anno 1918 condita est, sed periculosis temporibus non diu duravit.

Dictator Adolfus Hitler paulo plus duodecim annos Germaniam rexit terrore et promissis. Imprimis Iudaeos crudelissime insectatus circiter sexagies centena milia eorum nefarie necanda curavit. Scelesto bello mundano secundo permulti homines occisi sunt et Germania penitus deleta. Anno 1945 Germania devicta divisa est in quattuor regiones dicioni exterae obnoxias: quarum unam occupaverunt Americani, alteram Britanni, tertiam Francogalli, quartam Sovietico-Russi. Anno 1949 duae res publicae Germanicae constitutae sunt: Germania Foederata et Democratica Res Publica Germanica.

Huic imagini nondum est descriptio, quaesumus descriptionem addas.

Anno 1990 duae illae res publicae in unius rursus populi corpus coaluerunt.

Germania Foederata ab initio Unionis Europaeae fuit una cum nationibus V aliis Belgia, Francia, Italia, Luxemburgo et Batavia.

Oeconomia

Germania est civitas dives, si eam cum aliis civitatibus comparemus. Sed cum multi homines divites sint, pars tamen populi ad paupertatem redacta est, quae pars indies crescit. Hominum pars fere decima ab opera cottidiana cessat invite.

Tabulae

• 
  Portiones opere carentium in regionibus Germaniae.
• 
  Numerus natorum pro mille incolis secundum circulos anno 1996
• 
  Magnae urbes nominibus Latinis

Litterae

Aliquando Germania "terra poetarum et philosophorum" vocabatur. Profecto complures homines miro ingenio praediti Germanice scribendo insignia artificia confecerunt. Ecce exempla quaedam: Martinus Lutherus biblia sacra e lingua Latina in linguam Germanicam transtulit. Carolus Marx descripsit, quemadmodum a bonorum possessoribus miseri opprimerentur. Thomas Mann praeclarum Nobelianum praemium accepit, quia fabulas de civibus illius temporis elegantissimas composuisset.

Societas

Scholae

• Paulusheim
• Schola Otto-Pankoki

De rebus religiosis

Plurimi cives Germaniae cuiusdam communitatis religiosae Christianae sunt. 31,5 centesimae partes populi in primis in Germania occidentali et meridionali ecclesiae Romanae catholicae sunt, 31,1 centesimae partes sunt evangelicae ecclesiae id est Lutheranae, reformatae et unitae ecclesiae. Hi in primis in Germania septentrionali et orientali habitant. Post bellum tricennale enim in pace Westphalica constitutum est omnes confessionem illius terrae ducis accipere debere qua habitarent. Id sententia celebri dictum est: CUIUS REGIO EIUS RELIGIO. Quamobrem etiam hodie in aliis terris aliae religiones sunt.

1,14 % orientalium ecclesiarum sunt, neoapostolicae 0,46 % et pauci ad ecclesias liberas ut dicuntur pertinent. Eorum omnium pars solum etiam ecclesiam die dominica visitat. Fere 3,8 decies centena milia hominum anno 2004° diebus dominicis ecclesias catholicas visitabant, decies centena milia fidelium evangelicas.

Fere 31 % populi nullius communitatis religiosae sunt, 70 % in Germania orientali, ubi olim Res publica Democratica Germanica fuit. Ibi regnantes atheismum propagaverant. In occidentali parte Germaniae autem 80 % populi cuiusdam communitatis religiosae sunt.

Communia religiosa Islamica habent 732 000 fideles qui etiam civitate Germanica utuntur.

106 000 homines communitatis Iudaicae sunt. Usque ab decennio decimo multi Iudaei ex Europa orientali immigrabant. Ante multi Iudaei Adolfo Hitler regnante necati erant.

Fideles communitatium Christianarum et Iudaicarum vectigal ecclesiasticum solvere debent quod ecclesia vel communitas Iudaica accipit. Haec res administratur a rei publicae magistrato e contrario morum in aliis civitatibus.

Educatio religiosa tum voluntaria cum ordinalis disciplina scholarum est exceptis terris foederalibus Bremae, Berolini, Brandenburgi.

Carmen nationis

Carmen Germanorum (Das Lied der Deutschen) anno 1841 ab Augusto Henrico Hoffmann de Fallerslebia Terrae Sacrae in lingua Theodisca compositum est. Cuius carminis nostra aetate occasione data haec tertia stropha cantari solet:

Augustus Henricus Hoffmann de Fallerslebia 1841	Translatio, quae cantari potest
Einigkeit und Recht und Freiheit für das deutsche Vaterland! Danach lasst uns alle streben brüderlich mit Herz und Hand! Einigkeit und Recht und Freiheit sind des Glückes Unterpfand. Blüh im Glanze dieses Glückes, blühe, deutsches Vaterland!	Ius, concordia, libertas pro Germani patria! Haec fraterne nos petamus dextera et anima! Ius, concordia, libertas sunt salutis pignora. Flore in salutis luce, patria Germanica!

Vide etiam

Munera politica

• Index praesidentium foederalium (Germaniae)
• Index cancellariorum foederalium (Germaniae)

Geographia

• Index urbium (Germaniae)
• Index vicorum (Germaniae)
• Index fluviorum (Germaniae)
• Index lacuum (Germaniae)
• Index regionum (Germaniae)
• Rugia

Commeatus

• Pagorum Germanicorum index notarum autocinetorum

Cultura

• Litterae Germanice scriptae
• Feriae Germaniae
• Deutsche Welle

Historia

• Ordo Teutonicus
• Otho de Bismarck
• Adolfus Hitler
• Gulielmus II (Imperator Germaniae)
• Fridericus II (rex Borussiae)

Homines

• Martinus Lutherus
• Hinricus Heine
• Michael Schumacher
• Achimus Mentzel
• Ioannes Wolfgang Goethe
• Fridericus Schiller
• Ludovicus van Beethoven
• Iohannes Sebastianus Bach

Paginae orbatae

• Maintal-Hochstadt
• Oberweis

Nexus externus

Vicimedia Communia plura habent quae ad Germaniam spectant (1, 2).

Terrae foederales Germaniae

Civitates sociae Unionis Europaeae

Austria • Belgica • Bulgaria • Cechia • Croatia • Cyprus • Dania • Estonia • Finnia • Francia • Germania • Graecia • Hibernia • Hispania • Hungaria • Italia • Lettonia • Lituania • Luxemburgum • Melita • Nederlandia • Polonia • Portugallia • Romania • Slovacia • Slovenia • Suecia Opus geopoliticum • Porta Unionis Europaeae • Duces civitatum Europaearum hodiernarum Capsae cognatae: Duces civitatum • Primi ministri

Civitates et territoria Europae

Porta geopolitica • Nationes mundi • Europa

Capsae cognatae: Africa • America • Asia • Oceania