Quantum redactiones paginae "Lauda Sion" differant

E Vicipaedia
Content deleted Content added
FlaBot (disputatio | conlationes)
m bot addit: fr:Lauda Sion
m es wiki
Linea 176: Linea 176:
[[de:Lauda Sion]]
[[de:Lauda Sion]]
[[en:Lauda Sion]]
[[en:Lauda Sion]]
[[es:Lauda Sion Salvatorem]]
[[fr:Lauda Sion]]
[[fr:Lauda Sion]]
[[it:Lauda Sion Salvatorem]]
[[it:Lauda Sion Salvatorem]]

Emendatio ex 14:32, 15 Iunii 2009

Iesus Christus Pastor bonus. Catacumbae Sanctae Priscillae Romae

Lauda Sion est hymnus et oratio, quae Eucharistiam laudat. Hic hymnus, quem Thomas Aquinas scripsit, et inter festas Diei Cenae Domini, Corpi Domini et inter adorationem eucharisticam canitur.

Multi compositores Rolandus Lassus, Ioannes Petriloysius Praenestinus et Felix Mendelssohn-Bartholdy hunc hymnum in musica ornaverunt.

Textus sequentiae

Lauda Sion Salvatorem,
Lauda ducem et pastorem
In hymnis et canticis.

Quantum potes, tantum aude,
Quia maior omni laude,
Nec laudare sufficis.

Laudis thema specialis
Panis vivus et vitalis
Hodie proponitur.

Quem in sacræ mensa cœnæ
Turbæ fratrum duodenæ
Datum non ambigitur.

Sit laus plena, sit sonora;
Sit iucunda, sit decora
Mentis iubilatio,

Dies enim solemnis agitur
In qua mensæ prima recolitur
Huius institutio.

In hac mensa novi Regis
Novum Pascha novæ legis
Phase vetus terminat.

Vetustatem novitas,
Umbram fugat veritas,
Noctem lux eliminat.

Quod in cœna Christus gessit,
Faciendum hoc expressit
In sui memoriam:

Docti sacris institutis
Panem, vinum in salutis
Consecramus hostiam.

Dogma datur Christianis,
Quod in carnem transit panis
Et vinum in sanguinem.

Quod non capis, quod non vides,
Animosa firmat fides
Præter rerum ordinem.

Sub diversis speciebus,
Signis tantum et non rebus,
Latent res eximiæ:

Caro cibus, sanguis potus,
Manet tamen Christus totus
Sub utraque specie.

A sumente non concisus,
Non confractus, non divisus
Integer accipitur.

Sumit unus, sumunt mille,
Quantum isti, tantum ille,
Nec sumptus consumitur.

Sumunt boni, sumunt mali,
Sorte tamen inæquali,
Vitæ vel interitus.

Mors est malis, vita bonis,
Vide paris sumptionis
Quam sit dispar exitus

Fracto demum sacramento,
Ne vacilles, sed memento
Tantum esse sub fragmento,
Quantum toto tegitur.

Nulla rei fit scissura,
Signi tantum fit fractura,
Qua nec status nec statura
Signati minuitur

Ecce panis Angelorum,
Factus cibus viatorum,
Vere panis filiorum,
Non mittendus canibus!

In figuris praesignatur,
Cum Isaac immolatur,
Agnus Paschæ deputatur,
Datur manna patribus.

Bone pastor, panis vere,
Jesu, nostri miserere,
Tu nos pasce, nos tuere,
Tu nos bona fac videre
In terra viventium.

Tu qui cuncta scis et vales,
Qui nos pascis hic mortales,
Tuos ibi commensales,
Cohæredes et sodales
Fac sanctorum civium.

Textus hymni

Lauda Sion Salvatorem

lauda ducem et pastorem

in hymnis et canticis.


Sit laus plena, sit sonora

sit jucunda, sit decora

mentis jubilatio.

Christus vincit

Christus regnat

Christus imperat!


Ecce panis Angelorum,
Factus cibus viatorum,
Non mittendus canibus!


Sit laus plena, sit sonora

sit jucunda, sit decora

mentis jubilatio.

Christus vincit

Christus regnat

Christus imperat!


Bone pastor, panis vere,
Jesu, nostri miserere,
In terra viventium.


Sit laus plena, sit sonora

sit jucunda, sit decora

mentis jubilatio.

Christus vincit

Christus regnat

Christus imperat!