Quantum redactiones paginae "Xerxes I (rex Persarum)" differant

E Vicipaedia
Content deleted Content added
m bot mutat: bg:Ксеркс І
Linea 34: Linea 34:
[[hr:Kserkso I.]]
[[hr:Kserkso I.]]
[[hu:I. Xerxész perzsa király]]
[[hu:I. Xerxész perzsa király]]
[[id:Xerxes I dari Persia]]
[[it:Serse I di Persia]]
[[it:Serse I di Persia]]
[[ja:クセルクセス1世]]
[[ja:クセルクセス1世]]

Emendatio ex 17:52, 14 Februarii 2009

Darius I bellum novum adversus Graecos parabat. Cum decessit, Xerxes I (recte Persice Khshayārsh), filius et successor Darii, patris incoepta persecutus est. Bellum et mari et terra per quinquennium instruxit, et tantas collegit copias, quantas neque antea, neque postea quisquam habuit. Eius enim classis mille et ducentarum navium longarum fuit, quam sequebantur duo millia onerariarum. Terrestres autem exercitus septingentorum millium peditum, equitum quadringentorum millium fuerunt. Diversissimae gentes, et innumeri populi sub signis Persarum militabant : Indi, Arabes, Chaldaei, Lydi, Aethiopes. Haec multitudo varia linguis, vestibus et armis, colluvio barbarorum erat, non justus exercitus. Ceterum tanto agmini dux deerat.

Neque enim dux haberi poterat Xerxes, rex nullius virtutis aut prudentiae. In consilis stolide ferox, in periculis timidus erat ; et primus in fuga, postremus in proelio semper visus est. Vana superbia inflatus, non solum hominibus, sed etiam ipsi rerum naturae, velut dominus, imperare voluit. Montem Athon effosum ingenti labore mari aperuit, et pervium fecit suis navibus. Trajecturus copias ex Asia in Europam, injecerat super Hellespontum pontem ratibus impositum. Pons vero tempestate quassatus fuit, et fluctibus dissolutus. Rex amens ira, trecentos flagellorum ictus mari infligi jussit, et compedes dari.

In libro Biblico Estheris Xerxes nominatur Hebraice "Ahashverosh", quod Latine in translatione Vulgata sonat "Ahasuerus".

Fontes

Haec pagina textum incorporat ex Henrici Lantoine Epitome Historiae Graecae (1892).


Vide etiam