Camberra

Canberra est caput Australiae, sita in Territorio Capitali Australiano. Habet 345 000 incolas. Urbs anno 1913 condita est.

Australiani habent nomen iocosum 'Capitalis Silvestris' (Anglice: The Bush Capital) quia procul urbibus magnis Sydneio Melburnaque iacet et sic quadam tranquillitate vitae fruitur. Porro, celebrissima est in tota Australia ob leges solutae (id est, solutae prae legibus ceterarum provinciarum regionumque Australiae) de venditione emptione ignium artificiosorum libellorumque pornographicorum. Haec fama non est omnino accurata, sed nihilominus permanet et plurimorum Australianorum cognitionem Canberrae informat.

Canberra est sedes gubernationis foederalis Australianae. Aedes Parlamenti Foederalis, domus officiales Gubernatoris Generalis (vulgo: Yarralumla) et Primi Ministri ('The Lodge') et Basilica Tribunalis Alti in Canberra inveniri possunt, praeterea diversa opera monumentaque civilia velut Monumentum Bellicum Australianum, Pinacotheca Nationalis Australiana, Pinacotheca Imaginaria Nationalis Australiana, Bibliotheca Nationalis Australiana, Museum Nationale Australianum, Moneta Australiana, Tabulae Nationales, et Universitas Nationalis Australiana.

Vicimedia Communia plura habent quae ad Camberra spectant (1, 2).

Haec stipula ad urbem spectat. Amplifica, si potes!