Langobardia

Langobardia regio secundum septemtrionalem Italiæ finem sita est.

.

Langobardia Regio

Langobardia Italiæ septemtrionalis regio est et in duodecim provincias dividitur; regionis locus princeps Mediolanum est, sed alia magna oppida Brixia, Modicia, Bergomum, Novum Comum, Baretium, Ticinum, Cremona, Mantua, Leucum et Laus Pompeia sunt. Helvetiæ, Alti Athesis Tridentinæque regionibus, Venetiæ, Æmiliæ et Pedemontio adiacet.
Langobardia in media Padana planitie est et vicinos Alpium montes, valles collesque etiam comprehendit; Padus, Ticinus, Addua et Mincius gravissima flumina sunt, cum Benacus, Verbanus, Larius et Sebinus lacus commemorandi sint. Cælum pæne mediterraneum est.

Langobardia in Italia incolis frequentissima et divitissima regio est. Frumentum, zea, oryza et pabulum coluntur, quia hæc regio magnis fossis irrigatur; boves et sues aluntur; caseus et vinum effunduntur. Alpina opera in electricam vim aquæ motus vim mutant, ergo divitiæ fabricis gignuntur: opificii textilibus, machinis, ferro, chemicæ, medicamentis, sucis infectoribus, purgando oleo vivo, alimentis, ephemeridibus, libris, calceamentis et supelectilibus student. Mercatura et divitiarum administratio cum subvectionibus et cautionibus excoluntur; itinera et ambulationes in lacuum et montanas urbes fiant.

Ætate quæ ante hominum memoriam acta est Langobardia iam incolebatur, sed quinto sæculo a.Ch.n. a Gallis et postea in CCXXII anno a Romanis occupata est; post deletum Romanum imperium, septimo sæculo p.Ch.n. venerunt Langobardi, e quibus regio nomen accepit. Nono sæculo Langobardi a Francis profligati sunt et Langobardia Sacri Romani imperi pars facta est; duodecimo sæculo Langobardæ civitates imperatori obsteterunt ut suis legibus uterentur et postea Mediolanum in dominorum potestatem cecidit: quarto decimo sæculo Mediolanensis ducatus in Italiam septemtrionalem pervasit et pæne totam Langobardiam continebat.
Quinto decimo et sexto decimo sæculis Mediolani ager minor factus est et inter MDXXXV et MDCC annos a Hispanis rectus est. Langobardia in manus Austriæ duodevicesimo sæculo et Francogalliæ ineunte undevicesimo sæculo devenit; inter MDCCCXV et MDCCCLIX annos Austria rediit, sed postea Langobardia Pedemontio inclusa est et Italiæ coniunctæ regio fieri potuit.

Langobardiæ loci principes et provinciæ

• Baretium, Italice Varese
• Bergomum, Italice Bergamo
• Brixia, Italice Brescia
• Cremona, Italice Cremona
• Laus Pompeia, Italice Lodi
• Leucum, Italice Lecco
• Mantua, Italice Mantova
• Mediolanum, Italice Milano
• Modicia, Italice Monza (in Modiciæ et Brigantiæ provincia post MMVII annum)
• Novum Comum, Italice Como
• Ticinum, vel Papia, Italice Pavia
• Italice Sondrio

Langobardiæ aliæ urbes et pagi

• Civitas Camunorum, Italice Civitade Camuno
• Olgiate Novocomense, Italice Olgiate Comasco

Flumina et lacus in Langobardia

• Addua, Italice Adda
• Benacus lacus, Italice lago di Garda
• Ceresius lacus, Italice lago di Lugano
• Clesis, Italice Chiese
• Eupilis lacus, Italice lago di Pusiano
• Lambrus, Italice Lambro
• Larius lacus, Italice lago di Como
• Mella, Italice Mella
• Mincius, Italice Mincio
• Ollius, Italice Oglio
• Olonna, Italice Olona
• Padus, Italice Po
• Sarius, Italice Serio
• Sebinus lacus, Italice lago d'Iseo
• Sesites, Italice Sesia
• Ticinus, Italice Ticino
• Verbanus lacus, Italice lago Maggiore

Montes et valles in Langobardia

• Camunnica vallis, Italice val Camonica
• Langobardæ Præalpes, Italice Prealpi Lombarde
• Lepontiæ Alpes, Italice Alpi Lepontine
• Ligusticus Apenninus, Italice Appennino Ligure
• Orobiæ Alpes, Italice Alpi Orobie
• Ræticæ Alpes, Italice Alpi Retiche
• Sariana vallis, Italice val Seriana
• Trumplina vallis, Italice val Trompia
• Vallis Telina, Italice Valtellina

Parva territoria in Langobardia

• Brigantia (vocabulum ductum e Celtico sermone), Italice Brianza
• Francia Cohors, Italice Franciacorta
• Insubria, Italice Insubria
• Laumellina, Laumelli territorium, Italice Lomellina
• Ultrapadus Papiensis, Papiæ territorium trans Padum, Italice Oltrepò Pavese

Regiones Italiae