Alexandreis

Alexandreis, sive Gesta Alexandri Magni est carmen epicum Latine scriptum a Gualtero de Castellione saeculo 12 p. C. n., in decem libros divisum, Guillelmo archiepiscopo Remensi dicatum. Auctor usus est scriptoribus Latinis classicis et mediaevalibus de Alexandro Magno, quorum praecipui sunt Quintus Curtius Rufus, Iustinus, Iulius Valerius, Iosephus, Isidorus Hispalensis. Id carmen legerunt imitaveruntque Matthaeus Vindocinensis, Alanus ab Insulis, Henricus Septimellensis.

Continentur

1. Monita Aristotelis Alexandro discipulo suo; destructio Thebarum; descriptio Asiae; Alexandri iter ad Ilium
2. Alexander solvit nodum Gordianum; morbus Alexandri; exercitus Persarum; scutum regis Darii
3. Pugna ad Issum; Tyrus Aegyptusque capti; Alexandri iter ad oracula Ammonis; mors reginae Persarum Alexandri captiva; ecphrasis sarcophagi reginae
4. Alexandri somnium de dea Victoria
5. Pugna ad Arbelam; Alexander victor Babylonem intrat
6. Susa et Persepolis captae; Darii dubia
7. Darius fugit et a Besso interfectus est
8. Bella contra Hyrcanos et Scythas; conventus Thalestris Amazonum reginae cum Alexandro
9. Iter exercitus ad Indiam; descriptio Indiae; lassitudo militum
10. Coniuratio; mors Alexandri

Bibliographia

• F. J. E. Raby, A History of Secular Latin Poetry in the Middle Ages (Oxford: Clarendon Press, 1934. ISBN 0-19-814325-7) vol. 2 pp. 72-80.
• http://www.jblaensdorf-mainz.homepage.t-online.de/Walther__Alexandr_/walther__alexandr_.html