Die Traumdeutung

Titulus editionis primae (anno 1900 suffixo; anno 1899 exeunte divulgatae)

Psychanalystae septem anno 1922 lucis ope picti. Ad sinistram partem imaginis videntur Freud (sedens) et Rank (stans)

Die Traumdeutung (scilicet "Interpretatio somniorum") est opus a Sigismundo Freud anno 1899 divulgatum, in octo editionibus Theodiscis editum et in multas linguas conversum. Titulo verba Latina suffinguntur, "Flectere si nequeo superos, Acheronta movebo", ex Aeneide (7.312) dempta.

In editiones quartam, quintam, sextam et septimam (1914-1922) inseruntur commentationes duae Othonis Rank de coniunctionibus somniorum cum poësi ("Anhang I: Traum und Dichtung") et cum mythologia ("Anhang II: Traum und Mythus"). Ab anno 1924, Othone Rank ob librum Das Trauma der Geburt e coetu Freud reiecto, commentationes eius nondum in editionibus Die Traumdeutung comprehenduntur; e versionibus Anglicis omittuntur.

Operis structura

Opus in partes septem (I.-VII.) divisum est, plus litteraturae registrum (VIII.):

1. De litteratura scientifica problematum somni
2. De methodo interpretationis somnorum
3. De somno obsequio in optata
4. De somni deformatione
5. De somni materie fontibusque
6. De somni opera
7. De somnorum actorum psychologia

Ad psychologiam somnorum actorum (VII.)

Praestat parti septimae descriptio somni cuiusdam patris, infante suo morbo mortuo positoque lecto fatali, qui defatigatus vigiliam infantis viro seni mandaverit. Somno multa nocte mortuus infans patri somnianti appropinquaverit, "Pater, nonne me igni necari vides?" dicens. Pater somno excitatus lucem e cubiculo fatili cognoverit curritque in cubiculum inveneritque seni dormienti et infantis cadaver candela casa ita inflammatum. Freud animadversionem periculi explicatio accipit, praeterhac obsequium in res optatam videt: Adventus enim infantis, scripsit, vitam eius ad temporis momentum prolongavisset.
Deinde oblivionem somni, regressionem, obsequium in optata, excitationem e somno, functionem somni, processus primarium et secundarium tractat.

Bibliographia

Editiones

• 1899 : Die Traumdeutung. Lipsiae: Franz Deuticke, "1900" Textus apud archive.org
• 1909 : 2a ed. aucta
• 1911 : 3a ed. aucta Textus apud archive.org
• 1914 : 4a ed. aucta Textus apud archive.org
• 1919 : 5a ed. aucta
• 1921 : 6a ed. praefatione et bibliographia renovatis Textus apud archive.org
• 1922 : "7a ed." (ed. 6a reimpressa) Textus apud archive.org
• 1925 : in serie voluminum Sigmund Freud: Gesammelte Schriften vol. 2 et vol. 3 pp. 1-185 recensa et aucta textus vol. 2
• 1930 : 8a ed.
• 1942 : in serie voluminum Sigmund Freud: Gesammelte Werke voll. 2-3 (ed. 8a reimpressa)

Versiones Anglicae

• 1913 (interprete A. A. Brill) : The Interpretation of Dreams. Londinii Textus apud archive.org alius
• 1915 (interprete A. A. Brill) : 2a ed. Textus apud archive.org
• 1932 (interprete A. A. Brill; editoribus anonymis) : 3a ed. recensa
• 1953 (interprete J. Strachey) : The Interpretation of Dreams e novo versa, in serie voluminum The Standard Edition of the Complete Psychological Works of Sigmund Freud vol. 4 et vol. 5 (Londinii: Hogarth Press) edita
• 1976 (interprete J. Strachey; edd. Alan Tyson, Angela Richards) : editio leniter recensa. Londinii: Penguin

Historica et critica

• Lydia Marinelli, Andreas Mayer, Dreaming by the Book: Freud's 'The Interpretation of Dreams' and the History of the Psychoanalytic Movement. Novi Eboraci: Other Press. ISBN 1-59051-009-7
• S. R. F. Price, "The Future of Dreams: from Freud to Artemidorus" in D. Halperin, J. Winkler, F. Zeitlin, edd., Before Sexuality: the construction of erotic experience in the ancient world (Princetoniae, 1990) pp. 365-388

Nexus interni

• Libri de somniorum interpretatione

Nexus externi

• Versio Anglica vetustior (interprete A. A. Brill)
• Versio Anglica vetustior (interprete A. A. Brill) apud Vicifontem Anglicum

Haec stipula ad litteras spectat. Amplifica, si potes!