Adamantius Coraes

Adamantius Coraes

Adamantius Coraës (Neograece Ἀδαμάντιος Κοραῆς Adamántios Koraís; natus die 27 Aprilis 1748 Smyrnae in Asia Minore; mortuus die 6 Aprilis 1833 Lutetiae) fuit eruditus et scriptor Graecus aetate Illuminismi. Coraes praecipue litterarum et linguae Neograecae emendator notus est. Et de philosophia politica et libertate religionis scripsit.

Vita

Regenerator optimus litterarum Graecarum recentiorum a pueritia linguas antiquas modernasque diligens Amstelodami commercialibus, ad Montem Pessulanum autem medicinae et historiae naturali studuit. Anno 1788 Lutetiae laborare coepit. Ecclesiastica, scholastica, scientifica, politica complexus e capite Franciae verbis litterisque incessanter pro Graecia renascitura pugnavit. Praesertim autem, ut idioma populare ad linguam modernam bellam atque naturalem mutaretur, in animo erat.

Valoris maximi pro historia et lexicographia linguae Graecae modernae est eius opus »Atakta, ou mélanges sur la littérature grecque moderne« (Lutetiae 1828–35, in tomis V). Eius notiones politicas autem legere potueris apud »Mémoire sur l'état actuel de la civilisation de la Grèce« (Lutetiae 1803). Insuper autobiographiam (Lutetiae 1829) pepigit. Relicta scripta et epistulae ediderunt Athenis annis inter 1881 et 1891. In Chio lyceum simulacrum marmoreum cum effigie eius habet, quod fecit Antonius Canova. Societas eruditorum nobilissima in Graecia nomen eius portat: Syllogos Koraïs.

Opera selecta

• 1803 : Mémoire sur l'état actuel de la civilisation de la Grèce. Lutetiae 1803; Lipsiae 1822
• 1805 (cum Paschalis Franciscus Iosephus Gossellin et Gabriel de la Porte du Theil) : Géographie de Strabon. 3 voll. (Francogallice)
• 1828-1835 : Atakta, ou mélanges sur la littérature grecque moderne. 5 voll. Lutetiae
• 1881-1887 : Nachgelassenen Schriften und Briefe, Athenis

Nexus externi

• [https://web.archive.org/web/20021122212324/http://www2.sfu.ca/hellenic-studies/katharevousa.html Via media in Graeco idiomate moderno emendando proposita
• Vita anno 1998 scripta