Ioannes Georgius Gmelin

Ioannes Georgius Gmelin

Res apud Vicidata repertae:

Ioannes Georgius Gmelin: imago

Nativitas: 10 Augusti 1709; Tubinga
Obitus: 20 Maii 1755; Tubinga
Patria: Duchy of Württemberg

Familia

Genitores: Johann Georg Gmelin;
Proles: Eberhard Gmelin, Christian von Gmelin

Vide etiam paginam discretivam: Gmelin

Ioannes Georgius Gmelin seu Gmelinus (Theodisce Johann Georg Gmelin, 10 Augusti 1709–20 Maii 1755) fuit rerum naturae investigator, explorator, botanista, ethnographus et geographus Germanicus.

Gmelin, alumnus Universitatis Tubingensis, annis ab 1727 usque ad 1747 in Imperio Russico favebat operi. Academiae Scientiarum Petropolitanae socius, initio (ab anno 1727) adiunctus chemiae et historiae naturalis et dein (ab anno 1731 ad annum 1748) professor Academiae illius fuit. Annis ab 1733 ad 1743 expeditionem in Siberiam perfecit (e Petropoli per Iaroslaviam, Casanum, Tobolium, arces Semipalatensem ("septem palatiorum") et Ustkamenogorensem, Tomium, Ieniseam, et Ircutiam ad Iacutiam urbem, unde per Ircutiam, Tomium, Catharinopolim, officinas Tagilenses, Verchoturiam, Solicamium, Ustiugam Magnam, Vologdam, et Schlusselburgum Petropolim revenit). Secundum expeditionem illam opus scientificum scripsit, quattuor volumina includens, nomine Flora Sibirica sive Historia plantarum Sibiriae, annis ab 1747 ad 1769 in lucem editum.

Postquam anno 1747 Tubingam revenit, ad mortem suam professor chemiae et historiae naturalis universitatis urbis illius fuit.

Opera

• I.G. Gmelin, Flora Sibirica sive Historia plantarum Sibiriae, tomus I. (Petropoli, 1747) (Latine)
• I.G. Gmelin, Flora Sibirica sive Historia plantarum Sibiriae, tomus II. (Petropoli, 1749) (Latine)
• I.G. Gmelin & S.G. Gmelin, Flora Sibirica sive Historia plantarum Sibiriae, tomus III. (Petropoli, 1768) (Latine)
• I.G. Gmelin & S.G. Gmelin, Flora Sibirica sive Historia plantarum Sibiriae, tomus IV. (Petropoli, 1769) (Latine)
• Ioannis Georgii Gmelini Reliquias quae supersunt commercii epistolici cum Carolo Linnaeo, Alberto Hallero, Guilielmo Stellero et al., Floram Gmelini sibiricam eiusque Iter sibiricum potissimum concernentis ... (Stuttgartiae, 1861) (Latine)

Nexus externi

Vicimedia Communia plura habent quae ad Ioannem Georgium Gmelin spectant.

Haec stipula ad hominem scientificum spectat. Amplifica, si potes!