Quantum redactiones paginae "Cicha" differant

← Differentia superior Differentia proxima →

Content deleted Content added

Inline

Emendatio ex 14:48, 11 Octobris 2020

Cicha^[1] (Hispanice: Chicha) est genus potionum fermentatarum late in America Australi usitatum. Tales potiones iam a populis Andesensibus ante Incas confectae sunt. Sub Incis mulieres artifices (aqllas) artem braxatoriam in scholis docebant.

Usus

Cicha millennia inter civitates Andaeas paratur, consumatur. Incae cicha in caerimoniis utebantur. Nuper autem cicha translaticia rarius in tempus fit. In parvulis oppidis tantum Peruanis australibus et Bolivianis adhuc paratur.

In Peruvia autem cicha matura quasi vinum coquinarium adhibetur.

Varietates

Chicha de jora ex specie quadam maizii fieri solet quae lingua Quechua qora, Hispanice jora dicitur. Colore est stramineo, aspectu aliquanto lacteo, secondario autem gustu subaustero. Vel recens dulcisque, vel matura fortisque potari potest. Cicha ut fiat maizio germinato, sacchari extrahuntur, farrago elixatur, omnia magnis vasibus (more maiorum fictilibus) complures dies simul fermentantur.
In Peruvia:
- Limae cicha fit ex maizio purpureo. Dulcis est, et frigida potatur.
- Cuzci arbuta cichae additur ut "fructilla" fiat.
- Puni cicha nonnumquam ex quinoa fit pallidissima, paene candida.
- Aiacuchi "cicha septem seminum" crassa et sapida fit ex maizio, tritico, hordeo et lente.
- Huantae chicha de molle ex parvulis seminibus subrubris arboris Schinus molle fit. Rarissima et subtilior est.
In regionibus Columbiae cicha fit ex maizio, iucca, quinoa, malo pineo, oryza, vel tuberosolano, e regione pendente. Sunt etiam praecepta quibus insunt cannabis vel coca.
In Venetiolae maioribus urbibus, cicha solet ex oryza fieri elixa, saccharo, lacte, glacie concisa, et cinnamomo (cf. hordeata). Regionibus autem Andaeis exstat versio ex malo pineo.
In Chilia sicut Limae fit chicha morada, i.e. "cicha e maizio purpureo". Ibidem nomen interdum applicatur ad potiones de uvis (e.g. vino e fictilibus vel pipeño) atque de malis (i.e. pomacio) factas.
Nonnullis nationibus Hispanice loquentium, "cicha" indicat potionem debilem vel etiam sucum.

Notae

↑ "In eorum exsequiis tum multa alia absurda erant, tum hoc maxime, quod aliquot sui liquoris (quem illi Cicha appellant) pocula in sepulchrum inuergentes, eum per calamum vsque ad mortui os pertinentem, seu infundibulum, transmitterent": Urbanus Calveto, interpr.; Girolamo Benzoni, Novae Novi orbis historiae in Theodori à Bry Americae parte sexta, 1596 p. 72

Bibliographia

Mary Beckman, "Beer of Kings" in Science (30 Iulii 2004)
Hugh C. Cutler, Martín Cárdenas, "Chicha, a Native South American Beer" in Botanical Museum Leaflets (Harvard University) vol. 13 no. 3 (1947) pp. 33–60
Weston La Barre, "Native American beers" in American Anthropologist vol. 40 (1938) pp. 224–234
Jerry D. Moore, "Pre-Hispanic Beer in Coastal Peru: Technology and Social Context of Prehistoric Production" in American Anthropologist vol. 91 (1989) pp. 682–695
Oriana Pardo B., "Las chichas en el Chile precolombino" in Chloris Chilensis vol. 7 pars 2 (2004) Textus

Nexus interni

Caouinum

[1] "In eorum exsequiis tum multa alia absurda erant, tum hoc maxime, quod aliquot sui liquoris (quem illi Cicha appellant) pocula in sepulchrum inuergentes, eum per calamum vsque ad mortui os pertinentem, seu infundibulum, transmitterent": Urbanus Calveto, interpr.; Girolamo Benzoni, Novae Novi orbis historiae in Theodori à Bry Americae parte sexta, 1596 p. 72

[1]

@@ Linea 10: / Linea 10: @@
 == Varietates ==
-[[Fasciculus:Picantería, 1927.jpg|thumb|upright=1.25|''Picantería'' i.e. caupona [[Peruvia]]na ubi cicha de maizio (''[[chicha de jora]]'') venditatur. Tabula a [[Victor Martínez Málaga|Victore Martínez Málaga]] anno 1927 picta]]
 [[Fasciculus:Ceviche and Chicha Jora (14375149167).jpg|thumb|[[Ars coquinaria Peruviana]]: ''[[Ceviche]]'' cum ''[[cancha serrana]]'' (granis [[zea mays|maizii]]), frustulis [[allium cepa|ceparum]], pane inlatum, ''[[chicha de jora]]'' apposita]]
 *''[[Chicha de jora]]'' ex specie quadam [[maizium|maizii]] fieri solet quae lingua Quechua ''qora'', Hispanice ''jora'' dicitur. Colore est stramineo, aspectu aliquanto lacteo, secondario autem gustu subaustero. Vel recens dulcisque, vel matura fortisque potari potest. Cicha ut fiat maizio germinato, sacchari extrahuntur, farrago elixatur, omnia magnis vasibus (more maiorum fictilibus) complures dies simul fermentantur.