Delos

Situs Deli

Delos sive Delus (Graece: Δῆλος) est parva sed sacratissima insula Graeciae in mediis insulis Cycladibus sita prope insulam maiorem Myconum.

De fabulis a mythographis traditis et religione

Ferunt deos Apollinem Artemidemque hic natos esse posyqua eorum mater Latona a Iunone lacessita in insula consedit. Ita Diana etiam Delia dea nuncupatur cum Delius vates aut simpliciter Delius significet Apollinem. Ita poetae Deliis foliis, sive lauro Apollini dicata, ornatos esse dicuntur.

Historia

Antiquis temporibus Deli fanum sanctissimum peregrinationes et dona ex omni orbe Graeco in insulam adliciebat. Post bella Medica Athenienses foedus Deliacum instituerunt, cui praeerant et civitates eius participes tributum annuum solvebant quod in templum Apollinis poneretur. Sed iam circa 450 a.C.n. thesaurus Athenas translatus est, quo Athenienses ad libitum utebantur spretis sociis. Ab ultimis annis quarti saeculi a.C.n. usque ad annum 167 a.C.n. Delos libera civitas fuit. Anno 167 vero Romani qui Macedones vicerant insulam Atheniensibus dederunt qui ibi velut forum internationale ad servorum commercium effecerunt quo mercatores affluebant et piratae captivos venales advehebant. Urbs et portus florebant usque ad primum saeculum a.C.n. cum a Mithridatis ducibus direpti sunt (86 a.C.n.). Paulo post idem fecerunt et piratae e Cilicia venientes. Nec umquam postea floruit ut olim. Atheniensium dominium fuit.

Etiam in Africa prope litus maris locus appellabatur Delia Castra.

Fontes

• Strabo, libro decimo Geographicorum quinto capite 2-5

Nexus internus

• Lycurgus et Ambrosia (opera tessellata)

Nexus externi

Vicimedia Communia plura habent quae ad Delum spectant.

Pinacotheca

• 
  Descriptio generalis.
• 
  Leones Deliaci.
• 
  Theatrum.
• 
  Domus Cleopatrae.
• 
  Domus lacus.
• 
  Templum Isis.

Haec stipula ad geographiam spectat. Amplifica, si potes!