Quantum redactiones paginae "Sergius Širinskij-Šichmatov" differant
si non placet, dele! |
mNo edit summary |
||
Linea 7: | Linea 7: | ||
==Opera== |
==Opera== |
||
[[Fasciculus:Blason des Princes Schirinsky-Schikhmatoff.jpg|thumb| |
[[Fasciculus:Blason des Princes Schirinsky-Schikhmatoff.jpg|thumb|upright=0.75Insignia principum Širinskij-Šichmatov]] |
||
''{{Creanda|ru|Беседа любителей русского слова|Colloquium verbo Russico faventium|Colloquii verbo Russico faventium}}'' cum [[Gabriel Deržavin|Gabriele Deržavin]] et {{Creanda|ru|Шишков, Александр Семёнович|Alexander Šiškov|Alexandro Šiškov}} particeps strenuus fuit. Pro sermone et versu sollemni et eleganti ab aliis laudabatur, ab aliis deprecabatur. Carminum eius haec nominari possunt: |
''{{Creanda|ru|Беседа любителей русского слова|Colloquium verbo Russico faventium|Colloquii verbo Russico faventium}}'' cum [[Gabriel Deržavin|Gabriele Deržavin]] et {{Creanda|ru|Шишков, Александр Семёнович|Alexander Šiškov|Alexandro Šiškov}} particeps strenuus fuit. Pro sermone et versu sollemni et eleganti ab aliis laudabatur, ab aliis deprecabatur. Carminum eius haec nominari possunt: |
||
* ''De arte critica'' (''Опыт о критике'', 1806), [[Alexander Pope|Alexandri Pope]] versio; |
* ''De arte critica'' (''Опыт о критике'', 1806), [[Alexander Pope|Alexandri Pope]] versio; |
Emendatio ex 13:00, 9 Februarii 2019
Sergius Alexandri f. Širinskij-Šichmatov (Russice Сергей Александрович Ширинский-Шихматов), in Dernovo gubernii Smolenscensis anno 1783 natus et die 7 Iunii calendario Iuliano (19 Gregoriano) anni 1837 Athenis mortuus, poeta Russicus fuit.
Vita
In familia principum[1] nobili natus et in Cohorte tironum nobilium navali(ru)[2] educatus in classi usque ad annum 1804 militiam ferebat, postea in Cohorte navali docuit. Anno 1809 socius actualis[3] Academiae Petropolitanae factus est. Anno 1828 munere deposito[4] et omnibus suis servis[5] liberatis in monasterio sancti Georgii Novogardiae habitabat, ubi anno 1830 monachus factus est nomine Aniceto capto. Anno 1834 in Hierosolymam migravit, post in Athonem montem, ubi templum sancti Metrophanii Voronegiani aedificavit. Anno 1836 Athenis sacerdos fuit. In eremiterio(ru)[6] Eliae prophetae Athonis montis sepultus est.
Opera
Colloquii verbo Russico faventium(ru) cum Gabriele Deržavin et Alexandro Šiškov(ru) particeps strenuus fuit. Pro sermone et versu sollemni et eleganti ab aliis laudabatur, ab aliis deprecabatur. Carminum eius haec nominari possunt:
- De arte critica (Опыт о критике, 1806), Alexandri Pope versio;
- Požarskij et Minin et Hermogenes, vel Russia salvata (Пожарский, Минин, Гермоген, или Спасенная Россия, 1807);
- Petrus Magnus (Пётр Великий, 1810), carmen epicum in 8 libris;
- Carmen Creatori omnium (Песнь сотворившему вся, 1817);
- Iesus in Testamentis ambobus, vel Nox sub cruce (Иисус в Ветхом и Новом Заветах, или Ночь у креста, 1824), carmen in 5 libris.
Gulielmus Küchelbecker de Petro Magno eius sic scripsit:
...poeta ingenio incredibili, qui ... carmen epicum nobis donavit, quod unicum nominandum est. ... Post Lomonosov et Kostrov nemo felicius, quam princeps Šichmatov, sermonem ecclesiasticum cum dialecto nostro cotidiano conciliare potuit...[7]
Notae
- ↑ I.e. князь, Anglice knyaz.
- ↑ Кадетский корпус — cohors tironum nobilium (S. Ivaškovskij, Lexicon Rossico-Latinum s.v.).
- ↑ S. Ivaškovskij, Lexicon Rossico-Latinum, s.v. действительный, член.
- ↑ S. Ivaškovskij, Lexicon Rossico-Latinum, s.v. отставка.
- ↑ S. Ivaškovskij, Lexicon Rossico-Latinum, s.v. крѣпостный человѣкъ.
- ↑ Graece σκήτη.
- ↑ ...поэт с дарованием необыкновенным, который ... подарил нас двумя лирическими эпопеями, из коих одна должна назваться единственною ... После Ломоносова и Кострова никто счастливее князя Шихматова не умел слить в одно целое наречия церковное и гражданское... (Кюхельбекер В.К. Разбор поэмы князя Шихматова «Петр Великий» // В.К. Кюхельбекер. Путешествие. Дневник. Статьи / Изд. Н.В. Королева, В.Д. Рак. Petropoli 1979).
Nexus interni
Nexus externi
- De vita Sergii Širinskij-Šichmatov in Lexico Russico biographico (Russice)
- Petrus Magnus, editio prima in GoogleBooks (Russice)
- Požarskij et Minin et Hermogenes et alia carmina a Georgio Lotman edita in Bibliotheca Russica virtuali (Russice)
- Opera Širinskij-Šichmatov in bibliotheca ImWerden (Russice)