Theologia

Monachus apud mare. Imago a Caspare Davide Friedrich picta.

Theologia (a verbo Graeco θεολογία = θεός 'deus' + λόγος 'verbum', 'dictum') est scientia rerum divinarum. Plurimae religiones theologiam habent, sed non omnes, cum tractare rationabiliter de deis non sit omnium religionum. Etenim complures aliter in experientia vel doctrina sine usu rationis fundamentum habent. Vocabulum theologia, tamen, generaliter significat theologiam Christianorum vel forsitan Iudaeorum, quia hae religiones systematice tractant de rebus divinis, ex hereditate philosophorum Graecorum. Verumtamen, philosophia a nonnullis dicitur ancilla theologiae, praesertim a tempore theologorum scholasticorum.

Theologia praesumit capacitatem humanam rationabiliter rerum divinarum pendendi, et fundamenta sumit ab experientiis humanis et a revelatione divina.

Aliqui putant etiam theologiam scientiam recentiorem religionis esse, quamquam theologia Christiana non includit^? scientiam hodiernam ut religionem, cum atheistica sit, sed secundum aliquos scientia hodierna sui iure religio est, quia communitas fidei fit.

Theologia naturalis seu theodicea est pars philosophiae.

Disciplinae theologiae Catholicae principales

• Theologia fundamentalis
• Theologia dogmatica
• Theologia liberationis
• Theologia moralis
• Scriptura sacra (i. e. Introductio et Exegesis Veteris et Novi Testamenti)
• Historia ecclesiastica, Patrologia, Archaeologia christiana
• Institutiones iuris canonici

Disciplinae auxiliares: lingua Hebraica et graeco-biblica; institutiones systematico-historicae liturgiae; ascetica; quaestiones theologicae ad orientales maxime spectantes.

Nexus interni

• Deus et Dea
• Index theologorum
• Mythologia
• Religio
• Scientia religionum
• Soteriologia
• Philosophia religionis
• Politica
• Theosophia